د هرات ګمرک کې له ۲ زرو ډیر وارداتي موټر سوځېدلي دي

د سوداګرۍ خونې او د ولسي جرګې یو شمېر وکیلان چې له دوه ورځو راهيسې په اسلام‌ کلا ګمرک کې د اور لګېدو له کبله د اوښتو زيانونو په اړه د څېړنې لپاره هرات کې دي، په يوه خبري ناسته کې خپلې موندنې رسنیو ته په ډاګه کړې.

د سوداګرۍ او صنایعو خونې رييس سیدزمان هاشمي وویل، د دوی څېړنې ښيي چې اسلام‌ کلا ګمرک کې د اورلګېدنې له کبله د ۳۷۰ د تېلو ټانکرونو په ګډون له ۲ زرو ډېر د وارداتي توکو موټر په بشپړه توګه سوځول شوي او له ۷۰ ډېر د توکو موټر او کانټينرونه ورک دي.

د هاشمي په خبره، اټکلونه ښیې چې د دې پېښې په پایله کې سوداګرو او موټرچلوونکو ته سلګونه ميلیونه ډالر زیان اوښتی.

د سوداګرۍ خونې مشر خان ‌جان الکوزی په ګمرک کې، د نورم او سټنډرډ ادارې او د حکومت له لوري ګمرک ته د اروزنې په موخه لېږل شوی پلاوی او د ظرفيت او تاسيساتو نشت اسلام ‌کلا ګمرک کې د اور لګېدنې اصلي لاملونه ګڼي.

الکوزی وايي، د سوداګرو له قوله لومړۍ موندنې ښيي چې له اورلګېدنې وړاندې اسلام ‌کلا ګمرک ته د څېړنې په موخه يو پلاوی ورغلی و او له سوداګرو یې د تېلو ټانکرونو او نورو توکو موټرونو څخه د ۸۰۰ زره ډالرو غوښتنه کړې وه ترڅو دوی خپل موټر لرې کړي او له همدې کبله يې دوو اونیو لپاره د موټرو ايستو ته اجازه نه ورکوله.

د نوموړي په وينا، پايله کې مرکزي پلاوي د پېښې په سهار د ۵۰۰ زرو ډالرو په اخيستو هوکړه وکړه؛ خو دغه پېښه وشوه.

د یادونې ده چې څو ورځې وړاندې د هرات په اسلام کلا ګمرک کې اورلګیدنه رامنځته شوه چې په پایله کې ګڼو سوداګرو ته سخت مالي زیانونونه واوښتل.

Be the first to comment

Leave a Reply

Your email address will not be published.




عمران خان: د امریکا د تېروتنو له امله طالبان سیاسي جوړجاړي ته چمتو نه دي

by عاقله اسد in افغانستان

د پاکستان لومړی وزیر عمران خان وایي طالبان سیاسي جوړجاړي ته نه دي تیار. نوموړي له یوې امریکایي رسنۍ سره په تازه مرکه کې ویلي چې امریکا بې وخته له افغانستان د ځواکونو ایستل پیل ... نور ولولئ