Advertisements
سیاست نړۍ

د نړۍ تر ټولو ځوانه صدارعظمه وټاکل سوه

د فنلینډ هیواد لپاره د نړۍ تر ټولو ځوانه او ښاییسته صدراعظمه سانا مارین پرون دوشنبه وټاکل سوه.

سانا مارین به د آنتي رین پر ځای د فنلینډ هیواد لپاره راتلونکې اونۍ په رسمي ډول د صدراعظمي په توګه خپله دنده پيل کړي.

دا به د نړۍ تر ټولو ځوانه او ښایسته صدراعظمه سي.

د فنلیڼد هیواد لپاره تر دې مخکي آنتي رین صدراعظم وو، چي د رواني ډیسمبر میاشتي په درېیمه ئې له خپلي دندي استفا‌ء ورکړه. د هغه سره ټولي کابینې هم استفاء ورکړه.

سانا مارین به تر خپلي رهبرۍ لاندي پنځه ګوندونه رهبري کړي، چي د یادو ګوندونو ټول رهبران ښځينه دي.

دا د نړۍ تر ټولو ځوانه صدراعظمه بلل کیږي، چي په دې سره ئې یو نړیوال ریکارډ جوړ کړ.

تر دې مخکي د اوکراین هیواد ۳۵ کلن الکسییه ګونچارو او بیا راوروسته ۳۹ کلني نیوزیلینډۍ میرمني جاسیندا آردن د ځواني صدراعظمي په توګه په نړۍ کي ریکارډ درلود.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.