سپورټ فوټبال

د میسي مینوالو ته بد خبر؛ هغه یوه میاشت نور نسي لوبېدای!

لیکنه: صابرحميدي

د آرجنټاین هیواد فوټبال ملي لوبډلي او د بارسلونا فوټبال کلب تکړه لوبغاړی او لوبډلمشر یوه میاشت نور د خوږ له امله نسي لوبېدای.

لیونل میسي، چي د لالیګا لیګ د لومړۍ او دوهمي اونۍ لوبي د خوږ له امله له لاسه ورکړې، داسي خبرونه خپرېده، چي د راتلونکي اونۍ لوبي ته به چمتو وي.

خو پرون چهارشنبه د بارسلونا ځایي رسنیو خبر خپور کړ، چي د هغه خوږ جدي دئ او یوه میاشت به نور د هر ډول لوبو څخه لیري وي.

د بارسلونا ټیم لوبډلمشر د یوې اونۍ را پدې خوا ځاني تمرینونه پیل کړي وه، چي وروسته ئې یو ځلي بیا د خوږ په ځای کي مشکل پیداکړی.

د نړۍ دا وتلی فوټبالر د رواني اګسټ میاشتي له پیله په تمرینونو کي په راسته پښه کي زخمي سو.

هغه اوس د یاد خوږ له امله د بارسلونا کلب سره پنځه لوبي د لالیګا او دوې لوبي بیا د خپل هیواد آرجنټاین سره له لاسه ورکړې.

هغه پنځه لوبي چي لیونل میسي په خپل کلب بارسلونا کي له لاسه ورکړې، هغه د بارسلونا لوبه د اوساسانو په وړاندي، د والینسیا، ګراناډا، ویاریال او ختافې په وړاندي دي.

او هغه دوې لوبي چي ئې بیا په ملي لوبډله کي له لاسه ورکړې، هغه آرجنټاین د چیلي او مکسیکو په وړاندي دي.

په یادو اوه واړه لوبو کي به دا وتلی فوټبالر ونه لوبیږي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.