سپورټ وزش او تمرین

د لومړي ځل لپاره عربستان کي د ښځو ترمنځ د رسلینګ لوبه ترسره سوه.

ليکنه: صابرحميدي

د ښځینه وو ترمنځ د رسلینګ دا لوبه د عربستان هیواد په پلازمېنه ریاض کي وړمه شپه ترسره سوه، چي له ځان سره ئې د ډیرو مسلمانانو غبرګونونه درلودل.

دا لوبه د ریاض ښار په ملک فهد لوبغالي کي د امریکايي او کاناډايي ښځینه لوبغاړو ترمنځ ترسره سوه، چي دواړي لوبغاړي میدان ته د نورو لوبو په پرتله په عادي لباس کي میدان ته کښته سوې او لوبه ئې ترسره کړه.

د ناتالیا او لسي ایوانس په نومونو د دې دوو ښځینه رسلینګ لوبغاړو ترمنځ د یادي لوبي په پاي کښي ناتالیا بریا خپله کړه او د عربستان په هیواد کي ئې د ښځینه وو ترمنځ د رسلینګ لومړۍ لوبي بریا خپله کړه.

عربستان کي دې لوبي ګڼ غبرګونونه پر ټولنیزو رسنیو راپارولي او زیاته کړې ده، هغه څه چي په ریاض کی پېښ سول نه خدای ج راضي کوي، نو موږ او حتا نه تاسي.

په عربستان کي د ښځو ترمنځ د رسلینګ دا لوبه په داسي مهال کي ترسره کیږي، چي عربستان ښځو ته د موټر چلولو اجازه هم نه ورکوله، خو څه موده مخکي ئې په یاد هیواد کي ښځو ته اجازه ورکړه چي موټر وچلوي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.