Advertisements
سپورټ نړیوال کرکټ

د قيس احمد ويکټو لوبه بدله کړه!

لیکنه: مدثر دعوت

ليکنه: مدثر دعوت

د ابو دبۍ ۱۰ اووريز ليګ ۱۵مه لوبه د بنګلا ټايګرز او ابودبۍ لوبډلو ترمنځ وه.

د لوبي پچه ابو دبۍ لوبډلي وګټله او د توپ اچووني پريکړه يې وکړه.

بنګلا ټایګرز لوبډلي په پوره ۱۰ اوورونو کي په ۳ ويکټو ۱۳۰ منډي هدف وټاکی.

روسو په ۲۱ توپونو ۴۴ او انډري فليچر په ۱۶ توپونو ۴۲ منډي وکړې.

د ابو دبۍ لپاره لاټلینګ ۲ او ډيلانګ يوه ويکټه ترلاسه کړه.

د ابو دبۍ لوبډلي د ۱۳۰ منډو هدف لپاره تيز پيل وکړ خو قيس احمد د لوبي د ګټلو چانس ورنکړ.

قيس احمد په ۲ اوورونو کي ۳ ويکټي واخيستې يوازي ۸ منډي يې ورکړې پداسي حال کي چي هيټريک يې د ويکټ ساتونکي له لوري د نه سټمپ په خاطر ميس سو.

د ابو دبۍ لپاره اویشکا ۵۱ او رايټ شل منډي وکړې.

د بنګلاټايګرز لپاره قيس احمد ۳ ،ټیساراپريرا ۲ او ويس يوه يوکټه ترلاسه کړه.

لوبه بنګلاټايګرز لوبډلي د ۲۷ منډو په توپير وګټله.

د لوبي د سټايلش لوبغاړي جايزه قيس احمد ته ورکول سوه او د غوره لوبغاړي جايزه فليچر وګټله.

بنګلاټايګرز لوبډلي په ۴ لوبو کي ۲ ګټلي او يوه يې بايللې چي د جدول په دويم مقام کي ځای لري خو اوبو دبۍ لوبډلي په ۴ لوبو کي يوه ګټلې او د جدول اووم ځای کي قرار لري.

Advertisements

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.