سپورټ فوټبال نړۍ

د فوټبال مسلمان لوبغاړي خپل هیواد سره ۴۵ زره یورو مرسته وکړه!

د سنګال هیواد د فوټبال ملي لوبډلي او انګلستاني کلب لیورپول تکړه بریدګر مسلمان لوبغاړي سعدیو ماني د خپل هیواد سنګال سره د کرونا ویروس د مخنیوي په موخه ۴۵ زره یورو نغدي مرسته وکړه.

د افغانستان په ګډون د نورو هیوادونو ترڅنګ سنګال هم هغه هیواد دئ، چي د کرونا ویروس پیښي پکښي ثبت سوي او د سنګال هیواد خلګ ئې اندېښمن کړي.

په تیرو څو ورځو کي سنګال کي په کرونا ویروس د اخته کسانو ۲۷ پيښي ثبت سوې، چي له ډلي ئې دوه تنه مړه هم سول.

سعدیو ماني یو له هغه لوبغاړو څخه دئ، چي هر وخت د خپل هیواد د وګړو سره په بیلابیلو برخو کي مرستي کوي.

دا مسلمان لوبغاړی اوس د ۲۷ کالو دئ، چي د خپل هیواد سنګال ملي لوبډلي ترڅنګ متز، ردبول زالتسبورګ، ساوت همپټون او لیورپول کلبونو کي لوبېدلی.

هغه اوس هم په انګلستانۍ لوبډله لیورپول کي لوبیږي او د یاد هیواد لپاره په ډېرو لوبو کي خورا ګټور تمام سوی.

هغه د لیورپول لپاره په ۱۰۰ لوبو کي تر دې دمه ۵۰ ګولوهني کړې.

د نړۍ قوي د فوټبال کلب ریال ماډریډ غواړي د فوټبال په راتلونکو پړاونو کي خپلي لوبډلي وپيري.

معلومات ښي، چي ریال ماډریډ به هغه شاوخوا په ۱۲۰ میلیونه یورو خپلي لوبډلي ته د لیورپول لوبډلي څخه واخلي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ