سپورټ کورنی کرکټ نړیوال کرکټ

د شکییب په شتون کي او د محمدنبي په نه شتون کي حيدر اباد ماته وخوړه

لیکنه: مدثر دعوت

ليکنه: مدثر دعوت

د اجينکا رهاني د لوبډلشرۍ څخه د لاس په سر کيدو وروسته سټيوسميت د راجستان رويالز لوبډلي ته تر دويم پړاو پوري د تګ هيلي ژوندۍ کړي.

د هندوستان پريمرليګ په ۴۵مه لوبه کي راجستان رويالز د حيدر اباد سره لوبه وکړه.

راجستان د لوبي پچه وګټله او حيدراباد ته يې د توپوهني بلنه ورکړه.

حيدراباد په پوره ۲۰ اوورونو کي د ۸ لوبغاړو په سوځيدو ۱۶۱ منډي هدف وټاکه.

ډيويډ وارنر ۳۷، کين ويلمسن ۱۳، ګوپال ۶۱ او راشدخان ۱۷ منډي وکړې خو شکيب الحسن په ۱۰ توپونو ۱۱ منډي وکړې.

د راجستان توپ اچوونکو اررون،انادکت،توماس او کوپال دوه دوه لوبغاړي وسوځوله.

د سنرایزر د ۱۶۱ منډو هدف ددوی قوي توپ اچووني دفاع کولای سو،خو د اجینکا رهاني ۳۹، د ليوینګسټون ۴۴ ،د سنجو سمسون ۴۸ او د سټيو سميت ۲۲ منډو د حيدر اباد څخه لوبه وګټله.

د حيدر اباد لپاره شکيب الحسن ، خليل احمد او راشدخان يوه يوه وکيټه ترلاسه کړه.

راجستان رويالز په ۷ وکيټو حيدر اباد ته ماته ورکړه.

شکيب الحسن چي نه په توپ اچوونه او نه هم توپوهنه کي لازمه پايله ورکړه د حيدر اباد د بايللو لوی لامل وو.

که د شکيب پرځای محمدنبي لوبيدلی وای ښه ثابتيدی،ځکه د راجستان اکثر قوي توپوهونکي کيڼ لاسي دپ او محمدنبي بيا د هغوی مرګ دی.

د حيدر اباد په وړاندي په ۴ اوورونو کي د ۲ لوبغاړو په سوځولو انادکت د لوبی غوره لوبغاړی سو.

حيدر اباد په ۱۱ لوبو کي ۵ ګټلي، په څلورم مقام کي ده او راجستان په ۱۲ لوبو کي ۵ ګټلي د جدول په شپږم ځای کي قرار لري.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.