د شپږیزو ماسټر په بیګ باش کې د ګډون په موخه اسټرالیا ته رسیدلی !

د کرکټ نړۍ پياوړی توپ وهونکی او د شپږیزو ماسټر ویسټ انډیزی کریسټپر هینري ګیل د اسټرالیا د کورني بیګ باش ۲۰ اوریزه کرکټ تجارتي سیالیو کې د ګډون په موخه اسټرالیا ته رسیدلی دی.
د پاکس سپورټز ڼړیوالې ویب پاڼې د معلوماتو له مخې کریس ګیل، چې د کرکټ په ډګر کې د توپ وهنې یو خطرناک لوبغاړی شمیرل کیږي، په دغه لیګ کې به د ملبرن رینیګیډز لوبډلې په ګټه ولوبیږي.
د بیګ باش په دغه ۲۰ اوریزه تجارتي کرکټ سیالیو کې د آډلایډ سټرایکرز، بریسبان هیټ، هوبرټ هریکنز، ملبرن سټارز، پیرت سکارتچرز، سډني سیکسرز او سډني تندرز لوبډلو کې د کرکټ پیاوړو لوبغاړو ته د لوبیدو چانس وي، چې دا ځل پکې د افغانستان څخه هم دوه لوبغاړو محمد نبي عیسی خیل او راشد خان هم ګډون کړی دی.
د ملبرن رینیګیډز هغه لوبډله ده، چې پکې د اسټرالوي لوبغاړو ترڅنګ افغان لوبغاړی محمد نبي عیسی خیل، ویسټ انډیزی ډیرن براو هم لوبیږي او اوس یې د ملاتړ په موخه کریس ګیل هم ور ورسید.
کریس ګیل د بیګ باش په تیر پړاو سیالیو کې اسټرالوۍ ژورنالیستې ته د سپکو خبرو په کولو سره په دغه لیګ کې د سیالیو بندیز سره مخ شوی و، خو یو ځل بیا دغه لیګ کې د ګډون په موخه اسټرالیا ته رسیدلی دی.

ګیل او هغه استرالیاوۍ خبریاله چې ده ورته بدې خبرې کړې وې

ویسټ اڼدیزي کریس ګیل په دې وروستیو کې د بنګله دیش کرکټ پریمیر لیګ سیالیو په وروستۍ لوبه کې د ۱۶ شپږیزو په ترسره کولو سره په ۶۹ بالونو ۱۴۶ منډې جوړې کړې او د رانګپور رایډرز لوبډله یې د اتلولۍ جام خپلولو ته ورسوله.
د کرکټ دا ۲۰ اوریزه تجارتي سیالۍ، چې د تیر ۲۰۱۷ م کال د ډیسمبر میاشتې په ۱۹ مه نیټه پیل شوې دي؛ د ۲۰۱۸ م کال د فیبرورۍ میاشتې تر ۴ مې نیټې پورې دوام وکړي.
 
 
 
 

Be the first to comment

Leave a Reply

Your email address will not be published.







سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ