فبروري 25, 2021

د شهزاد تيزي لوبي لوبډله بريا ته ورسوله.

ليکنه: مدثر دعوت
د ۱۰ اووريز ليګ ۱۴مه لوبه د ډيکن ګلاډياټورز او قلندرز لوبډلو ترمنځ وه.
قلندرز لوبډلي ټاس وګټی او توپ اچوونه يې انتخاب کړه.
د ګلاډياټورز لوبډلي په پوره ۱۰ اوورونو کي د ۴ لوبغاړو په سوځيدو ۱۲۹ منډي هدف وټاکی.
د ګلاډياټورز لپاره شهزاد چټکه لوبه وکړه،۶ شپږيزي او ۳ څلوريزي يې ووهلې چي په ۲۱ توپونو ۵۷ منډي سوې.

ورپسې شين واټسن ۳۰ منډي وکړې.
د قلندرز لوبډلي لپاره ګارټن ۳ او جوردن يوه ويکټه ترلاسه کړه خو مجیب الرحمن په ۲ اوورونو کي ۲۶ منډي ورکړې او ويکټه يې ترلاسه نکړه.
د ۱۲۹ منډو هدف لپاره قلندرز لوبډلي ښه پيل ونکړ.
تر ټولو ډيري منډي ورته ۴۹ ډيويډ ملان وکړې ورپسې سالټ ۲۵ منډي وکړې.
د ګلاډياټورز لپاره پولارد او کټينګ يوه يوه ويکټه ترلاسه کړه.
قلندرز لوبډلي په ۱۰ اوورونو کي د ۴ لوبغاړو په سوځيدو ۱۰۴ منډي وکړې.

لوبه ګلاډياټورز لوبډلي د ۲۴ منډو په توپير وګټله.
د لوبي د غوره لوبغاړي جايزه محمدشهزاد ته ورکړل سوه.

نن شپه دوې نوري لوبي هم دي.
چي يوه يې اوسمهال د نارترن واريورز او ډيلي بولز ترمنځ ده.

او بله پر ۰۸:۳۰ بجې د بنګلا ټايګرز او ټيم ابو دبۍ ترمنځ ده.
په دواړو لوبو کي افغان لوبغاړي سته.