د بالیووډ مشهوره فلمي ستورې او د ښایست پخوانۍ ملکې ایشوریا رائي د مشهور فلم جوړونکي او فلم لارښود سنجي لیلا بهنسالي په فلم کې له کارکولو څخه انکار کړی.
دا لومړی ځل نه دی چې ایشوریا د بهنسالي په فلم کې د کار کولو څخه انکار کوي بلکې تر دې وړاندې یې هم د دغه فلم جوړونکي په دوو فلمونو کې د کار نه کولو له امله بخښنه غوښتې وه.
هندۍ رسنۍ وایي، ایشوریا دغه پرېکړه د خپل خاوند ابهشیک بچن لپاره کړې او غواړي د سنجي لیلا بهنسالي د فلم پر ځای د خپل خاوند سره په یوه بل فلم کې کار وکړي.
د هندۍ رسنیو د رپوټونو له مخې، د ښایست پخوانۍ ملکې وښودله چې یوه ښه مېرمنه ده نو په همدې خاطر یې د مشهور فلم جوړونکي بهنسالي په فلم کې د کار کولو انکار وکړ.
ایشوریا رائي ویلي خواشینې ده چې دغه پرېکړه کوي، خو وایي په یوه وخت کې ورته هم د سنجي لیلا بهنسالي په فلم او هم ورته د ابهشیک بچن سره یوځای په یوه فلم کې د کار کولو وړاندیز شوی.
ایشوریا زیاتوي، غواړي د بل فلم جوړونکي او لارښود انوراګ کاشیاب په فلم (ګلاب جامن) کې د خپل خاوند ابهشیک بچن سره یوځای کار وکړي.
که ابهشیک بچن او ایشوریا رائي په فلم (ګلاب جامن) کې سره یوځای راښکاره شي، نو دا به له تېرو اتو ۸ کلونو وروسته لومړی ځل وي چې دوی په مېرمن او خاوند په یوه فلم کې کار کوي.
د یادولو ده چې ایشوریا رائي تر دې وړاندې هم د مشهور فلم جوړونکي سنجي لیلا بهنسالي په نورو مشهور فلمونو پدومات او باجي راؤمستي کې د کار نه کولو له امله بخښنه غوښتې وه.
امریکا: د طالبانو بریدونو ته په کتو به د سرتېرو د ایستلو بهیر ورو شي
امریکا ویلي د طالبانو بریدونو ته په کتو ښايي د سرتېرو د ایستلو بهیر ورو شي. د امریکا ددفاع وزارت ویاند جان کربي په تازه څرګندونو کې ویلي سره له دې چې تر ټاکلې نېټې ... نور ولولئ
