د سریلانکا له نولس کلنو کم عمره کرکټ لوبډلې ۱۷ کلن لوبغاړي ماتېش پتېرانا د جنوري په ۱۹مه د نولس کلنو نړیوال جام پر مهال ۱۷۵ کيلو متره په سرعت سره توپ غورځولی، چې د نړۍ په کچه یې د ستر یا زیات سرعت توپ اچونې ریکارډ جوړ کړ.
هغه د هندوستان ۱۹ کلنو لوبډلې خلاف توپ ترسره کړ، چې وایډ توپ و او د کیڼلاسي توپوهونکي شا ته تېر شو.
لوبڅار وایډ ورکړ، خو کله چې د بال د سرعت معلوونکې الې دا سپيډ راواخیست، نو ولیدل شول، چې دغه توپ په ۱۷۵ کیلو متره سپيډ سره ترسره شوی و.
د پتېرانا دا توپ اچونه د کرکټ په نړۍ کې یو نوی ریکارډ شو، چې ښایي ماتول یې ډېر کلونه ونیسي.
ماتیشا پتېرانا ۱۷ کاله وروسته د پاکستان چټک بالر شعیب اختر ریکارډ مات کړ.
شعیب اختر ۲۰۰۳ م کې ۱۶۱ اعشاریه ۳ کیلو متره پر ساعت سپیډ سره توپ اچونه کړې وه.
شعیب اختر دا توپ د ۲۰۰۳م د اکټوبر په ۲۲مه د انګلستان خلاف په نړیوال جام کې ترسره کړی و.
هغه دغه توپ په سویلي افریقا کې ترسره کړی و.
برېټلي ۲۰۰۵م کې د نیوزیلېنډ خلاف ۱۶۱ اعشاریه یو سرعت سره توپ غورځولی و.
اسټرالیایي شېن ټایټ په ۲۰۱۰م کال د انګلستان په لارډز لوبغالي کې د انګلستان خلاف د جولای په ۳ مه ۱۶۱ اعشاریه ۱ سپیډ ویشتی و.
جېف تامسن اسټرالیایي بالر په ۱۹۷۸م کې د هند خلاف ۱۶۰ اعشاریه ۶ سپیډ ویشتی و.
ویسټ انډیزي انډي رابرټس ۱۹۷۵م د اسټرالیا خلاف ۱۵۹ اعشاریه ۵ سپيډ ویشتی و.
د اوس لپاره سریلانکایی ۱۷ کلن بالر تر ټولو بالرانو زیات سرعت کې مخکې شو او ۱۷۵ کیلو پر ساعت سپيډ یې وویشت.
بل پلو بیا د کرکټ ماهرینو ویلي، چې ښایي د سپيډ چېک ماشین تېروتی وي او په دغه توپ اوس لپاره څېړنه روانه ده.
پتېرانا د ملېنګا په څېر سټایل لري او په ښي لاس چټکه توپ اچونه کوي.
ولسمشر غني: جمهوریت هیڅ وخت له منځه نه ځي؛ نړیواله ټولنه له افغانستان سره ده
ولسمشر غني وایي، چې نړیوالې ټولنې له افغانستان سره د ترهګرۍ ضد مبارزې ژمنه کړې ده او ډاډ یې ورکړی دی چې افغانستان به یوازې نه پرېږدي. نوموړي د خپلو خبرو پر دوام د افغانستان ... نور ولولئ
