مارچ 8, 2021

د زیمبابې او سریلانکا سره د افغان لوبډلي لوبي له نامعلوم برخلیک سره مخ دي

Advertisements

ټاکل شوې وه افغان کرکیټ ملي لوبډله په تیره مې او روانه جون میاشت کي د زیمبابې او سریلانکا کرکیټ ملي لوبډلو سره په جلا جلا ډول شل آوریزه او یو ورځنۍ لوبي ترسره کړي، خو د کرونا ویروس له امله د نامعلوم برخلیک سره مخ دي.
د افغانستان د کرکیټ بورډ اجراییه رییس د پنجشنبې په ورځ وویل، چي کرونا ویروس د نورو هیوادونو ترڅنګ د افغان کرکیټ ملي لوبډلي ټولي چاري هم په ټپه درولي.
ستانکزي زیاته کړه:

«له نېکه مرغه باید ووایم چې موږ به راتلونکې اونۍ د لوبغاړو لپاره تمریناتي کمپ پیل کړو چې د کرکټ له نړیوالې شورا او روغتیایي بنسټونو سره مو همغږي کړې ده چې د اسیا جام او نړیوال شل اوریز جام لپاره د افغان لوبډلې د چمتووالي برخه ده او دغه راز د سریلانکا او زمبابوې لوبډلو سره لوبې چې ټاکل شوې وه په مۍ او جون میاشتو کې ترسره شي؛ وځنډېدې.»

دا لا نده معلومه، چي د زیمبابې او سریلانکا سره به د افغان کرکیټ ملي لوبډلي لوبي څه وخت ترسره شي، خو د نامعلوم برخلیک سره مخ دي.
افغان کرکیټ ملي لوبډلي د زیمبابې سره ۵ شل آوریزه لوبي د سریلانکا په کوربتوب ترسره کولې.
همدارنګه افغان الف لوبډلي د سریلانکا الف لوبډلي سره ۴ شل آوریزه او ۴ بیا یو ورځنۍ لوبي ترسره کولې.
د راپورونو له مخي افغان کرکیټ ملي لوبډله له اوږده ځنډه وروسته یو ځلي بیا په روانه جون میاشت کي تمرینونه پيلوي.
کرکیټ بورډ د تیري سې شنبې په ورځ یوې ناستي کي وویل، چي دا تمریناتي کمپ د کابل په کرکټ لوبغالي کي د عامي روغتیا وزارت له سپارښتنونو او اُصولو په پام کي نیولو سره ترسره کیږي.
له کله چې کرونا ویروس په نړۍ کي په زیاته کچه خپور شو، ټولې ورزشي لوبې یا هم وځنډېدلې او یا هم لغوه شوې.
د کرکټ ټول سریزونه او لیګونه لغوه شول.
خو اوس یو ځلې بیا ورزشي سیالۍ کرار کرار په لوبغالو کې له مینه‌والو پرته پيلېږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ