مارچ 2, 2021

د عمر خوړلو یا زړو خلکو لپاره مناسب خواړه

ژباړه: حمیدالله حمیدي
امریکایي څېړونکي وایي، هغه عمر خوړلي کسان چې له فیبر لرونکو مېوو ګټه اخلي، ډېر لږ د اوریو پر ناروغۍ اخته کېږي او غاښونه یې روغ وي.
دوی پر ۶۰۰ تقاعد شویو نظامي افسرانو د (۲۴) کلونو لپاره څېړنه کړې ده چې په ورځني ډول یې په هره غذایي وعده کې فیبر لرونکي خواړه او مېوې کارولې. د څېړنو پایلو ښودلې چې دغه چارې په عمر خوړلو کسانو کې ۳۰ سلنه د غاښونو د له منځه تلو مخه او د اوریو د ناروغۍ مخه نیولې ده.
دوی وایي ګټه یې د هغو کسانو لپاره ډېره ده چې عمرونه یې له ۶۵ کلونو اوښتي وي؛ ځکه د دوی د څېړنو له مخې د هغو کسانو لپاره یې د پام وړ ګټه نه وه کړې چې عمرونه یې له ۶۵ کلونو کم وو.
څېړونکی پلاوی وایي، د غاښونو د له منځه تلو لپاره تر ټولو غوره مېوې مڼې، الو او کېلې دي. دوی وایي د دې لپاره چې عمر خوړلي کسان روغ غاښونه ولري باید په هره غذایي وعده کې لږ تر لږه ۲،۵ ګرامه فیبر واخلي. پر مېوو سربېره ځیني سابه او حبوبات هم کولی شي د غاښونو د روغتیا لپاره ګټور تمام شي.
څېړونکي وایي ډېرې لږ مېوې او سابه دي چې د غاښونو د روغتیا لپاره ګټور دي چې له دې جملې پورته ذکر شوې مېوې ۱۴ سلنه او سابه ۵ سلنه کولی شي د غاښونو د خرابېدو مخه ونیسي.
د شمېرو پر اساس په سلو کې ۱۰ امریکایي سپین ږېري د اوریو د وینې کېدو پر ناروغۍ اخته دي. دغه شمېرې بیا په عمر خوړلو کسانو کې چې عمرونه یې له ۷۵ کلونو پورته وي، شل سلنې ته رسېږي.
تازه مېوې تر ټولو ګټور خواړه دي چې د بدن د اړتیا وړ ټول معدني مواد په کې شتون لري. تازه مېوې په زیاته کچه معدني مواد لکه کلسيم، پوتاشیم، اوسپنه او د بدن د اړتیا وړ نور ويټامینونه لري چې هر یو یې د بدن لپاره حیاتي ارزښت لري.
هغه چې ناروغان دي، معلومه خبره ده چې د معدني موادو او یا هم د اړتيا وړ ويټامینونو له کمښت سره به مخ شوي وي، کله چې بیا ډاکټر ته مراجعه کوي، هغه ده چې د دغو خوړو سپارښتنه ورته کوي.
څېړونکي وایي، د غاښونو لوېدو د مخنیوي لپاره تر ټولو غوره مېوې مڼې، الو او کېلې دي.
دوی وایي، د دې لپاره چې عمر خوړلي کسان روغ غاښونه ولري، باید په هره غذایي وعده کې لږ تر لږه ۲،۵ ګرامه فیبر واخلي. پر مېوو سربېره ځیني سابه او حبوبات هم کولی شي د غاښونو د روغتیا لپاره ګټور تمام شي.
څېړونکي وایي، ډېرې لږې مېوې او سابه دي چې د غاښونو د روغتیا لپاره ګټور دي چې له دې ډلې پورته ذکر شوې مېوې ۱۴ سلنه او سابه ۵ سلنه کولی شي د غاښونو د خرابېدو مخه ونیسي.
د شمېرو پر اساس، په سلو کې ۱۰ امریکایي سپین ږېري د وریو د وینې کېدو پر ناروغۍ اخته دي. دغه شمېرې بیا په عمر خوړلو کسانو کې چې عمرونه یې له ۷۵ کلونو پورته وي، شل سلنې ته رسېږي.

نن د افغانستان او ترکیې د ډیپلوماتیکو اړیکو سل کاله پوره شول

لیکوال: عاقله اسد - برخه : افغانستان

د ترکیې د بهرنیو چارو وزارت ویلي، چې نن “دوشنبه” د ترکیې او افغانستان د ډیپلوماتیکو اړیکو سل کلونه پوره او دا سلمه کلیزه به په ګډه ونمانځي. رسنۍ وایي، چې د ترکیې د بهرنیو ... نور ولولئ