سپورټ

د راشد دې لوبډله په خپلې ۹ مې بریا دویم پړاو (پلای اف) ته ورسیده

د هندوستان د کورني کرکټ په ۲۰ اوریزه تجارتي سیالیو کې د سنرایزرز حیدر اباد لوبډلې په خپلې یولسمې لوبه کې د ډهلي ډریډ ویلز لوبډلې ته په ماتې ورکولو او خپلې ۹ مې بریا خپلولو سره د لمړۍ لوبډله په توګه دویم پړاو ته ورسیده.

 د دواړو لوبډلو ترمنځ په سیالۍ کې ډهلي لوبډلې د حیدر اباد لوبډلې ته د لوبې په ټاکلو ۲۰ اورونو کې د خپلو ۵ لوبغاړو په سوځیدو ۱۸۷ منډې جوړې کړې.

په سیالۍ کې د حیدر اباد لوبډلې په ګټه هندي ریشاب پانټ ۱۲۸ ناسوځیدلې منډې جوړې کړې او په روانو لیک سیالیو کې یې د ۵۲۱ منډو په جوړولو سره د مخکښ توپ وهونکي لقب هم خپل کړ.

 د ډهلي لوبډلې خلاف په ځوابي لوبه کې حیدر اباد لوبډلې ماتې ونه منله او د خپل یو لوبغاړي په سوځیدو دغه هدف د لوبې په ۱۹ اور کې پوره کړ، چې پکې اوپنر شیکر ډاون ۹۲ او لوبډلمشر کین ویلیمسن ۸۳ ناسوځیدلې منډې جوړې کړې.

 په دې بریا سره حیدر اباد لوبډلې په راونو لیګ سیالیو کې د خپلو ۱۱ ترسره کړیو لوبو څخه په ۹ لوبو کې بریاوې خپلې کړې او د لمړۍ لوبډلې په توګه یې دویم پړاو ته لار پیدا کړه.

 همدا راز په ورپسې دویم ځای کې د چینايي سوپر کینګز، دریم ځای کې د پنجاب او څلورم مقام کې اوس د ممبيي انډینز لوبډله قرار لري.

د یادونې وړ ده، چې د یولسم پړاو دې لیګ سیالیو څخه به د روانې مۍ میاشتې په ۲۰ مه نیټه ۴ لوبډلې دویم پړاو ته د ورتګ په موخه په ډاګه شي او هم به د همدې میاشتې په ۲۷ مه نیټه دا لوبې پای ته ورسیږي، چې پکې لا هم ممبيي لوبډله د خپلې تیرې دریم ځل اتلولۍ خپلولو څخه دفاع کوي.

د لیکوال/ لیکوالې په اړه

احسان الله ساپی