کلتور او هنر

د (دبنګ۳) لپاره د ارباز پر ځای پرابهودیوا ډائریکټر اعلان شو

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

لیکنه: ابوبکر علیزی

د بالیوډ کامیاب فلم (دبنګ۳) لپاره تیاریانې روانې دي، خو دا ځل د دغه فلم د ډایریکټرۍ رول پرابهودیوا په غاړه لري.

تر دې وړاندې د دغه فلم د لارښوونې مسؤل د سلمان خان ورور ارباز خان وه.

دغه فلم(دبنګ۳) د دبنګ د فلمونو دریم دی، تر دې وړاندي (دبنګ۱) او (دبنګ۲) هم بازار ته راغلی وو چې خورا ډیر مینه وال یې لرل.

د فلم اصلي رول سلمان خان په غاړه لري او د فلم نجلۍ سوناکشي سنها ده.

په فلم کې ورسره د سلمان خان ورور اباز خان چې مخکې د دې فلم ډائریکټر هم وو، کار کړی او په فلم کې هم ورسره د ورور رول لري.
خو ولې دا ځل سلمان خان په خپل دغه فلم (دبنګ۳) کې د اباز خان په ځای د لارښوونې یا ډائریکټرۍ مسؤلیت پرابهودیو ته وسپاره؟

د پرابهودیوا له قوله ویل شوي چې په تېرو هفتو کې په ممبيي کې وو، چې په همدغه مهال ورته د دغه فلم وړانديز وشو، خو وایي دا داسي وړانديز دی چې مخ ترې نشي اړولی.

هغه هيله ښودلې چې دبنګ۳ فلم به هم د نورو فلمونو په څېر زړه راښکوونکی وي او ډېر مینه وال به ولري.

ویل کیږي چې دا فلم به د ۲۰۱۹ میلادي کال په جریان کې د سینما پر پرده راښکاره شي.

تر دې وړاندې سلمان خان د پرابهودیوا سره په یو بل کامیاب فلم وانټیډ(Wanted) کې هم کار کړی.

د یادولو ده چې روډي راتهوړ، سنګ از بلنګ او ایکشن جیکسن هغه کامیاب فلمونه دي چې په کې پرابهودیوا ډائریکټر و.

له فیسبوک تبصرې

تبصرې

د لیکوال/ لیکوالې په اړه

ابوبکر عليزی