سپورټ کورنی کرکټ

د خپلواکۍ د سلمي کليزي په وياړ ټورنمینټ کي طوفاني لوبي ترسره سوې.

لیکنه: مدثر دعوت
اعلان

ليکنه: مدثر دعوت

هلمند کي د خپلواکۍ د سلمي کليزي په وياړ ټورنمينټ پنځمه او شپږمه لوبه ترسره سوه.

په پنځمه لوبه کي راشدخان او بولان لوبډلي سره مخ سولې.

د لوبي پچه راشدخان لوبډلي وګټله او د توپوهني پريکړه يې وکړله.

راشدخان لوبډلي په شل اوورونو کي د ۳ ويکټو په سوځيدو ۱۹۳ منډي هدف وټاکی.

فيصل ښايسته ۱۳۵، احسان الله ۵۰ او قدرت الله ۳۵ منډي وکړې.

د بولان لوبډلي لپاره مرتضی، عزت الله او داودشاه يوه يوه ويکټه ترلاسه کړه.

د ۱۹۳ منډو په هدف پسې د بولان لوبډله په ۸۴ منډو کي ټوله وسوځيدله،چي ترټولو ډيري ۳۱ منډي سمیع الله وکړلې.

د راشدخان لوبډلي لپاره مصطفی ۳ او اسدالله ۲ وکيټي ترلاسه کړې.

راشدخان لوبه د ۱۰۷ منډو په توپير وګټله او د لوبي غوره لوبغاړی فیصل ښایسته اعلان سو.

د خپلواکۍ په نوم د ټورنمينټ شپږمه لوبه د روحاني او داوري لوبډلو ترمنځ وه.

د لوبي پچه روحاني لوبډلي وګټله او د توپوهني پريکړه يې وکړه.

روحاني لوبډلي په پوره ۲۰ اوورونو کي تر طوفاني توپوهني وروسته ۲۷۴ منډي هدف وټاکی.

شريف الله بارکزي ۱۴۶ او نصيب الله ۴۷ منډي وکړې .

همدارنګه د داوري لوبډلي لپاره زاهد ۲ ويکټي ترلاسه کړې.

داوري لوبډلي هم په ښه پلان سره لوبه وکړه ۱۸۹ منډي يې وکړې خو لوبه يې د ۸۴ منډو په توپير وبايلله.

نقیب ۵۴ او محمدطاهر ۴۱ منډي وکړې.

د روحاني لوبډلي لپاره فضل ۳ ويکټي ترلاسه کړې خو شريف الله د ۱۴۶ منډو په کولو سره د لوبي غوره لوبغاړی سو.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.