د افغانستان او بنګله دیش د کرکټ ملي لوبډلو ترمنځ په هندوستان کې د ۳ شل اوریزه کرکټ سیالو لړۍ د افغانستان د کرکټ ملي لوبډلې په بریاوو سره پای ته ورسیده.
د دواړو کرکټ ملي لوبډلو ترمنځ ۳ شل اوریزه سیالۍ ترسره شوې، چې پکې بنګله دیش د افغان لوبډلې خلاف په هیڅ کومه یوه کې بریا خپله نکړه.
د سیالیو وړاندي بنګله دیشیو لوبغاړو د افغان لوبډلې د سپین بالینګ په اړه اندیښنې ښودلې وې، چې په حقیقت بدلې شوې.
د بنګله دیش د کرکټ ملي لوبډلې ویکټ کیپر توپ وهونکي مشفیق الرحیم او لوبډلمشر شاکیب الحسن ویلي و، د افغان لوبډلې د سپین خلاف به ورته په سیالیو کې د بریاوو خپلولو اسانه نه وي، چې هماغه شان وشول.
افغان کرکټ ملي لوبډلې د بنګله دیش خلاف په لمړۍ سیالۍ کې د ۴۵ منډو، دویمه کې د ۶ ویکټو په درلودلو او په وروستۍ دریمه سیالۍ کې د یوې منډې په توپیر سره ماتې وخوړه.
په وروستۍ دریمې سیالۍ کې د بریا په خپلولو سره افغان کرکټ ملي لوبډلې نه یوازې د بنګله دیش خلاف د سیرز بریاوې خپلې کړې؛ بلکې د لمړي ځل لپاره یې د بنګله دیش کرکټ ملي لوبډلې ته په خپل کوربه توب سره د ۰ مقابل کې د ټولو لوبو ګټل یا کلین سویپ ورکړ.
که څه هم افغان لوبډله په روان ټورنمنټ کې د تیز بالینګ له اړخه خورا کمزورې وه، خو د سپین یا سوکه توپ اچونې له کبله یې بنګله دیشۍ لوبډله د بریاوو خپلولو ته پرینښوده.
راشد خان په سیریز کې د ۸ ویکټو په ترلاسه کولو سره د سیریز د غوره لوبغاړي جایزه خپله کړه، خو سمیع الله شینواری په درې لوبو کې د ۱۱۸ منډو په جوړولو سره د سیریز مخکښ توپ وهونکی وشمیرل شو.
افغانستان د بنګله دیش خلاف د ۲۰ اوریزه سیالیو سیریز پای ته ورسو، خو د روانې جون میاشتې په ۱۴ مه نیټه د هندۍ کرکټ ملي لوبډلې سره د خپل تاریخي ټیسټ کرکټ پیل کوي، چې ورته لوبډله اوسني حالت ته په کتو ډاډمنه بریښي.
امریکا: د طالبانو بریدونو ته په کتو به د سرتېرو د ایستلو بهیر ورو شي
امریکا ویلي د طالبانو بریدونو ته په کتو ښايي د سرتېرو د ایستلو بهیر ورو شي. د امریکا ددفاع وزارت ویاند جان کربي په تازه څرګندونو کې ویلي سره له دې چې تر ټاکلې نېټې ... نور ولولئ
