سپورټ نړیوال کرکټ

د بنګلديش او پاکستان د ښځينوو سيريز مساوي سو.

لیکنه: مدثر دعوت

ليکنه: مدثر دعوت

د بنګلديش او پاکستان د ښځينو يو ورځنی سيريز په يو يو مساوي پايته ورسيدی.

د سيريز لومړۍ لوبه پاکستان ګټلې وه خو دويمه لوبه بنګلديش د يوې منډي په توپير وګټله.

د دويمي يو ورځنۍ لوبي پچه پاکستان وګټله او په پوره ۵۰ اوورونو کي يې ۲۱۱ منډي هدف وټاکی.

د پاکستان لپاره ناهيدې خان ۶۳، بيسما معروف ۳۴ او عاليې رياض ۳۶ منډي وکړې.

د بنګلديش لپاره رومانا احمد ۳، سلما خاتون ۲ او پنا ګوش يوه ويکټه ترلاسه کړه.

بنګلديشۍ لوبډلي د ۲۱۱ منډو هدف په تعقيب ښه پيل وکړ.

مرشيدا خاتون ۴۴، شارمين سلطانا ۲۷، فرجانا حق ۶۷ او رومانا احمد ۳۱ منډي وکړې.

د پاکستان لپاره ډيانابيګ،ثنا مير او نشرا سيندو يوه يوه ويکيټي ترلاسه کړې همدارنګه سعيدې عرب شاه او بيسما معروف دوې دوې ويکټي ترلاسه کړې.

بنګلديش د وروستي اوور په پنځم توپ هدف ته د ۹ ويکټو په سوځيدو ځان ورسوی.

بنګلديش لوبه په يوې ويکټي وګټله او يوازي يو توپ پاته سو.

د لوبي د غوره لوبغاړي جايزه فرجانې حق ته ورکړل سوه.

د پاکستان او بنګديش ترمنځ د ۲ يو ورځنيو لوبو لړۍ مساوي پايته ورسيده،چي لومړۍ لوبه پاکستان د ۲۹ منډو په توپير ګټلې وه.

تر دې سيريز وړاندي پاکستان د بنګلديش څخه د ۳ شل اووريزو لوبو د لړۍ ټولي لوبي وګټلې.

د بنګلديش او پاکستان ترمنځ ټولي لوبي د لاهور په قذافي لوبغالي کي ترسره سوې.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.