د بلاسټ سیالیو وروستۍ مرحله: د ظاهر خان دې لوبډله نیمه پایلوبې ته ورسیده

 د انګلستان د کورني کرکټ ویټالیټي ۲۰ اوریزه تجارتي سیالۍ، چې د تیرې جون میاشتې په ۴ مه نیټه په انګستان کې پیل شوې وې، وروستي پړاو ته ورسیدې.

د ۱۸ ګډون کوونکو لوبډلو څخه د سسیکس، لینکا شایر، کینټ سپیټ فایرز، دورهم جیټز، ورسیسټر شایر ریپیډز، ګلوسیسټر شایر، نوټز اوټ لاز لوبډلې د کوارټر فاینل مرحلې ته ورسیدې، چې په لمړي کوارټر فاینل کې لینکا شایر د کینټ خلاف، سسیکس د دورحم خلاف او ورسیسټر شایر د ګلوسیسټر شایر څخه بریاوې خپلې کړې دي، خو د سمر سیټ او نوټز ویلز ترمنځ سیالي د باران له کبله نن ورځ ته ځنډیدلې ده.

په دغه سیالیو کې تر دې مهاله ۱۲۹ لوبې ترسره شوې دي او د نن لوبې پرته ۳ نورې سیالۍ هم پاتې تر څو دغه لړۍ هم ورسره پای ومومي.

 د پاتې ۳ سیالیو لمړۍ او دویمې نیمه پایلوبې ترڅنک پای لوبه به هم د راتلونکې سیپټمبر میاشتې په ۱۵ مه نیټه ترسره شي.

 د بلاسټ په نوم په دې ۲۰ اوریزه کرکټ سیالیو کې ۴ افغان لوبغاړو هم ګډون کړی و، چې پکې محمد نبي عیسی خیل د لیسټر شایر، راشد خان د سسیکس، مجیب ځدران همپشایر او ظاهر خان د لینکا شایر لوبډلو سره د لوبیدو په موخه انګلستان ته تللي وو.

افغان لوبغاړی ظاهر خان لا هم په انګلستان کې د لینکا شایر لوبډلې سره ملګری دی او لوبډله یې تر نیمه پای لوبې هم رسیدلې ده.

وروستي مطالب

د بښنې نړیواله اداره: امریکا دې د ډرون برید د قربانیانو کورنۍ ته تاوان ورکړي

by هوسۍ لؤنګ in افغانستان

د بښنې نړیواله اداره وایي د امریکایي ځواکونو له لوري په افغانستان کې د ملکي وګړو وژل یو بوږنوونکی او د نه بښلو وړ عمل و. ددغه ادارې چارواکو ویلي امریکا منلې چې تر وتلو ... نور ولولئ