فبروري 27, 2021

د باوولیګ لوبي پر یوې ښځینه لوبغاړي لګول سوی بندیز لیري سو

د باوولیګ لوبي پر یوې ښځینه لوبغاړي لګول سوی بندیز لیري سو
د افغانستان د باوولینګ ملي لوبډلي پر تکړه لوبغاړې فضیله حورزاد څو ورځي مخکي د باوولینګ فدراسیون له لوري د بې حجابۍ له امله یو کال د لوبو بندیز ولګېد.
فضیلي حورزاد د یاد فدراسیون په غبرګونه کي له رسنیو سره په خبرو کي وویل، چي د باوولینګ فدراسیون د دې په حق کي غلطه پرېکړه کړې او د تل لپاره به د هر ډول ورزش سره مخه ښه وکړي.

خو د سې شنبې په ورځ د افغانستان د اُلمپیک ملي کمېتې خبر ورکړ، چي د باوولینګ فدراسیون او فضیلې حورزاد ترمنځ رامنځته سوې ستونزه ئې هواره کړه او نور ښځينه لوبغاړې حورزاد خپلو لوبو ته په ملي لوبډله کي دوام ورکولای سي.

د نورو ورزشونو ترڅنګ د باوولینګ ښځينه لوبغاړي هم باید په پوره حجاب کي لوبه ترسره کړي.
د افغانستان د اُلمپيک ملي کمېټه په کابل کي د باوولینګ فدراسیون مشر ادریس فاروقي په حواله وايي، چي اغلې حورزاد د کویټ په کوربتوب، چي کومي آسیایي لوبي ترسره کړې پکښي سرغړونه کړې.