Advertisements
فوټبال

د بارسلونا بریا او پکښي د میسي درې ګولوهني!

تېره شپه د اسپانیا هیواد لالیګا لیګ د ۱۶مي اونۍ په لوبو کي بارسلونا د مایورکا فوټبال لوبډلي کوربتوب وکړ، چي بارسلونا ۵ ګولونه پر ۲ مایورکا ته ماته ورکړه.

په یاده لوبه کي د بارسلونا لپاره درې ګولوهني د نړۍ نوموتي لوبغاړي لیونل میسي او پاته دوه ګولونه بیا ګریزماین او لیویز سواریز ولګوله.

میسي یاد درې ګولونه یا هټریک د لوبي په ۱۷مه، ۴۱تمه او ۸۳یمه دقیقه کي  ترسره کړه او په دې سره ئې په لالیګا لیګ خپل هټریکونه ۳۵ته ورسوله.

تر دې مخکي په لالیګا لیګ کي رونالډو د ۳۴ هیټریکونو په وهلو سره ریکارډ درلود، خو اوس لیونل میسي د یاد ریکارډ مات کړ او خپله به یاد ریکارډ روان وساتي.

د لالیګا لیګ په یوه بله مهمه لوبه کي پرون شنبه ریال ماډریډ او اسپانیول فوټبال لوبډلي سره ولوبېدې، چي ریال ماډریډ ۲ ګولونه پر ۰ اسپانیول ته ماته ورکړه.

په یاده لوبه کي د ریال ماډریډ لپاره واران او کریم بنزما ګولونه ولګول.

اوس د یاد لیګ د نمرو په جدول کي بارسلونا او ریال ماډریډ دواړه ۳۴ ـ ۳۴ نمرې لري، خو بارسلونا د یاد جدول په لومړي او ریال ماډریډ بیا په دوهم ځای کي شتون لري.

سویا بیا د یاد جدول په درېیم ځای کي د ۳۰ نمرو په درلودلو سره کرار لري.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.