د ۲۰ اوریزه کرکټ نړیوال جام سیالیو د دفاعي اتلې ویسټ انډیز او د کرکټ نړیوالې شورا سره په دې وروستیو کې د پوره غړیتوب ترلاسه کوونکې لوبډلې، افغانستان ترمنځ د سیالۍ خبر ورکړل شوی.
د کرکټ نړیوالې شورا لخوا د ۲۰۱۹ م کال د کرکټ ۵۰ اوریزه نړیوال جام سیالیو ته د ورتګ په موخه د غوراوي پړاو سیالیو مهالویش اعلان شو، چې د ۲۰۱۸ م کال د راتلونکې مارچ میاشتې په ۴ مه نېټه پیلیږي.
د سیالیو د مهالویش له مخې افغان لوبډله په دویم ګروپ کې د زیمبابوې، سکاټلینډ، هانګ کانګ او د ورلډ کرکټ لیګ ډیوژن ټو سیالیو دویم مقام ګټونکې لوبډله، چې لا تر اوسه نه ده په ډاګه شوې، شامله ده.
خو د دې سیالیو وړاندې به افغان لوبډله دوه تمریناتي سیالۍ ترسره کړي، چې په لمړۍ سیالۍ کې به د ویسټ انډیز کرکټ ملي لوبډلې خلاف د فیبرورۍ میاشتې په ۲۷ مه نېټه په سیالۍ کې سره مخامخ شي.
همدا راز د غوراوي پړاو سیالیو وړاندې د مارچ میاشتې په لمړۍ نیټه به په دویمې تمریناتي سیالۍ کې د هالینډ خلاف د لوبې ډګر ته ووځي.
افغان لوبډله به په خپلې لمړۍ سیالۍ کې د مارچ په ۴ مه نېټه د سکاټلینډ، د مارچ په ۶ مه نېټه د زیمبابوې، د مارچ په ۸ مه نیټه د هانګ کانګ او د مارچ په ۱۰ مه نېټه به د ډیوژن ټو دویم مقام ګټونکې لوبډلې په خلاف ولوبیږي.
د کرکټ نړیوال جام غواروي پړاو سیالیو څخه به د انګلستان په کوربه توب د ۱۲ م پړاو ۵۰ اوریزه کرکټ نړیوال جام سیالیو ته، چې د ۲۰۱۹ م کال د مۍ میاشتې د ۳۰ مې نیټې څخه پیلیږي؛ دوه لوبډلې لار پیدا کړي.
اروپايي ټولنه: افغانستان کې د طالبانو لخوا د زور حکومت په رسمیت نه پېژنو
اروپايي ټولنه وايي دوی په افغانستان کې د زور له لارې رامنځ ته کېدونکی حکومت په رسمیت نه پېژني. د افغانستان لپاره د اروپايي ټولنې ځانګړي استازي توماس نکلسون په تازه مرکه کې ویلي دوی ... نور ولولئ
