ليکنه: مدثر دعوت
„حوا،مريم،عايشه„ د صحرا کريمي له لوري جوړ سوی لومړنی فلم دی.صحرا کريمي ځوانه فلم جوړوونکې ده،ياد فلم يې په نړيواله سطحه نندارې ته وړاندي کړ چي د فلم جوړوونکو او د مشهورو نړيوالو فلمي لوبغاړو له لوري وستايل سو.
د هاليووډ سينما مشهوري ښځينه اداکاري انجلينا جولي هم د حوا،مريم او عايشې په نوم فلم وستايه او دا يې د افغان فلم يوه پرمختللې بڼه وبلل.
دا فلم د ۳ افغان ښځينوو پر ژوند جوړ دی چي پر کورني ناخوالو،ټولنيزو محدوديتونو او نور برخو راګرځي.
ددې فلم يو ځانګړتيا او توپير دادی چي څنګه يوه ښځه د نارينوو تر تاثر لاندي يوه مذهبي ټولنه کي مور کيږي ياهم خپل ماشوم په بطن کي له منځه وړي.
ياهم څنګه يوه انجلۍ چي تحصيل يې کړی، خبرياله ده خو خاوند يې ورسره خيانت کوي،غواړي طلاق ترې واخلي.
دا فلم د ۲۰۲۰ز کال اسکار ۹۲يم پړاو جايزې لپاره چي د امريکا په لاس انجلیس ايالت کي يې مراسم ترسره کيږي،هم د افغان فلم له لوري کانديد دی.
ددې فلم جوړوونکې او د افغان سينما رئيسه صحرا کريمي وايي چي غواړي افغان سينما د ملګرتوب او تشريفاتو ليري وساتي او په واقعي ډول خدمت ورته وکړي.
کريمي وايي د حوا،مريم،عایشه په نوم فلم د رواني ډسمبر مياشتي په نهمه نيټه د لومړي ځل لپاره په ايران کي هم نندارې ته وړاندي سو،چي د ګرم استقبال او ښه راغلاست سره مخ سو.
تر دې وړاندي هيڅ يو افغان فلم په ايران کي نندارې ته نه وو وړاندي سوی.
