د اسرایلو په ډزو لسګونه فلسطینیان وژل شوي سلګونه ټپیان دي

په بیت المقدس کې د امریکا د سفارت د پرانیستې په درشل کې د اسرایلي ځواکونو په ډزو کې لږ تر لږه ۴۱ فلسطیني اعتراض کوونکي وژل شوي دي.
د غزې د روغتیا وزارت وايي د سه شنبې د ورځې په دې اعتراضونو کې ، 1800 فلسطینیان د اسرایلي پوځ په ‌ډزو ټپيان شوي دي.
ویره ده چې د مړو او ټپیانو شمیر ښايي تر دې هم زیات وي.

د حماس ډله چې پر غزه واک چلوې، له شپږ اونیو راهېسې یې د غزې او اسرایل پر پوله اعتراضونه پیل کړي، چې له پیل راهېسې یې تر اوسه تر اتیا زیات فلسطینیان وژل شوي.
خو تاوتریخوالی د دوشنبې په ورځ په بیت المقدس کې د امریکا د سفارت د پرانیستو سره په یو وخت زور واخیست. په دې مراسمو کې د ټرمپ د لور ایونکا ټرمپ په ګډون لوړپوړي امریکايي چارواکي برخه لري.
په بیت المقدس کې د امریکا د سفارت پرانیسته د اسریلو د تاسیس د اویایمې کلیزې سره په یو وخت کیږي.

په بیت المقدس کې د امریکا د سفارت د پرانیستې په مراسمو کې د ټرمپ د لور ایونکا ټرمپ په ګډون لوړپوړي امریکايي چارواکي برخه لري.

د امریکا ولسمشر ډونالډ ټرمپ ددې کال په پیل کې ویشل شوی بیت المقدس د اسریلو د پلازمینې په توګه په رسیمت وپیژانده، هغه اقدام چې د امریکا ګڼ متحدان ورسره سلا نه وو.
په داسې حال کې چې فلسطینیان ختیځ بیت المقدس د خپل راتلونکې دولت پایتخت بولي، اسرایل چې د ۱۹۶۷ م کال په جګړه کې یې ختیځ بیت المقدس اشغال کړی، پر ټول بیت المقدس ادعا کوي او خپله پلازمینه یې ګڼي. د اسرایلو دا ادعا ملګري ملتونو او د نړۍ ګڼو هیوادونو نه ده منلې.
له ننۍ پېښو وروسته، نړیوالو بشري سازمانانو او ګڼ شمیر هیوادونو د اسرایلي ځواکونه غندلې او ویلې یې دي چې د فلسطیني اعتراض کونکو پر ضد یې له ضرورت زیات ځواک کارولی دی.




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ