دغه نهه ټکو ته نه پاملرنه، بدن ته جدي ستونزي رامنځته کوي

ژباړه

زموږ بدن یو میکانیزم دی، چې په یوه وخت ډېری پېښې پکې رامنځته او ډېری وختونه موږ ته د خپل کمښت په اړه وایي. که چېرې دا ګواښونه نادیده ونیسو د سختو ستونزو سبب کېږي.

بېخوبي، ژر خفه کېدل او د پښو د عضلاتو شخي؛

که دا ستونزې لرﺉ بدن مو مګنیزیم او پوتاشیم ته اړتیا لري. د پوره کېدلو په خاطر یې رومیان، کینو، کیله او پالک مصرف کړﺉ.

د پوستکي وچوالی؛

د پوستکي وچوالی د وېټامین اي د کمښت نښه ده. نو اړینه ده چې سابه، غوړي مغزباب او د کب غوښه زیاته وکارول شي.

خوږو ته ډېره لېوالتیا؛

کله کله ناڅاپي خوږو ته ډېر لېواله کېږو. ممکن لامل یې اسټرېس، ژورخفګان یا ستړیا اوسي. نو بدن د ګلوکوز غوښتنه کوي. د دې لپاره چې چاغ نشﺉ نو ککاو یا عسل وخورﺉ.

د یخ/ کنګل خوړل؛

که مو یخ خوړو ته ډېر زړه کېږي ممکن د وینې کمښت ولرﺉ. د اوسپنې کمښت درملنې لپاره غوښه او د چرګې هګۍ ګټور دي. غوره ده په دې برخه کې د روغتياپال سره مشوره وکړﺉ.

د ورۍ وینې کېدل؛

که د غاښو وينځلو پر وخت مو ورۍ وینه کوي، نو د وېټامین سي کمښت لرﺉ. د درملنې لپاره یې دا خواړه وخورﺉ: مرکبات، پالک، سره او شنه مرچ، رومي، کاهو او بروکلي.

ماتېدونکي وېښتان او نوکان؛

مات مات وېښتان او نوکان د وېټامين بي د کمښت نښه ده. د دې وېټامین د پوره کېدو لپاره شیدي او مرخيړي زیات مصرف کړﺉ.

د سترګو د تور شاوخوا لکې؛

دا ستونزه معمولا د پنځوس کلنۍ وروسته پيدا کېږي او په بشپړ ډول طبیعي دي، خو که د ځوانانو لپاره پېښ شي ناعادي ده او د وینې د لوړې کچې کلسترول څرګندونه کوي. نو باید روغتیاپال ته مراجعه وکړﺉ.