دریم لوبڅار ته د نو بال د چېک کولو صلاحیت او مسئولیت ورکړل شو.

ليکنه: سميع الله درانی
د کرکټ په اوږدو کې د لوبغالي له لوبڅارانو ډېرې تېروتنې شوي او لا دا لړۍ روانه ده؛ تر اوسه فرانټ فوټ نو بال مسئله په درست ‌ډول نه ده حل شوې.
د اسټرالیا او پاکستان په ټېسټ لوبو کې په یوه ورځ لوبڅار ۲۱ نو بالونه نه وو ورکړي او دې چارې د کرکټ منتقدینو ته لا لاره خلاصه کړه، چې په کرکټ انتقادونه وکړي.
د نړۍ له ګوټ، ګوټ څخه د کرکټ ماهرینو د لوبڅار پر چال چلند نیوکې وکړې.
یو ځل یوه ټېسټ لوبه کې په تېره نومبر میاشت کې بالر توپ وکړ، د توپ وهونکي په پېډ ولګېد، بالر اپیل وکړ خو لوبڅار پر ځای د دې چې ایل بي ډبلیو اوټ ورکړي؛ وایډ یا پراخ بال یې ورکړ.
دې سره لوبغاړو په لوبڅار وخندل او په لوبغالي کې یې له خندا ځانونه پر ځمکه وغورځول.
دې چارې د کرکټ نړیواله شورا هم مجبوره کړه، چې د نوبال غم وخوري.
اوس د کرکټ نړیوالې شورا ویلي، چې دریم لوبڅار ته یو بل ستر مسئولیت ورپه غاړه شو؛ هغه د نوبال د چېک او ورکولو یا نه ورکولو پرېکړه ده.
د کرکټ نړیوالې شورا د نومبر په وروستیو کې ویلي وو، چې د نوبال نښه کول به د یو بل لوبڅار کار شي؛ بالاخره یې د ډېسمبر په ۵ مه نېټه د پنجشنبې په ورځ اعلان وکړ، چې دریم لوبڅار به په دقیق او بشپړ ډول نو بال څاري.

د دریم لوبڅار لپاره د نو بال چېک کولو مسئولیت د ډېسمبر په ۶ مه نېټه د ویسټ انډیز او هندوستان سیریز کې په رسمي ډول وسپارل شو او له دې وروسته به پلی کېدونکی وي.
د هندوستان او ویسټ انډیز ترمنځ د درې شل اوریزو او درې یو ورځنیو لوبو سیریز د ډېسمبر په ۶ مه نېټه د جمعې په ورځ په هندوستان کې پیل شو.
د کرکټ نړیوالې شورا ویلي « که چېرته بالر نو بال وکړي او د لوبغالي لوبڅاران پرې پوه نه شي او ور یې نه کړي، دریم لوبڅار به توپ چېک کوي او بیا به پرې د مېدان له لوبڅارانو سره خبرې کوي، د مېدان لوبڅاران به تر هغې د نو توپ پرېکړه نه کوي، ترڅو چې ورته دریم لوبڅار پوره پرېکړه نه وي اورولې».
کله چې د دریم لوبڅار له خوا د نوبال دقیقه پرېکړه وشوه، بیا د لوبغالي لوبڅار نو بال ورکوي.

نو اوس ګورو چې ایا له دې چارې سره به د کرکټ په ډګر کې د نوبال ستونزه حل شي او کنه؟




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ