سپورټ مخکښان نړۍ

حبیب او امریکايي لوبغاړی په ۱۰۰ میلیونه ډالره لوبه کوي!

د ورکړل سوو معلوماتو له مخي عربستان هیواد غواړي، چي د روسیې هیواد مسلمان لوبغاړی حبیب نورمحمدوف د امریکايي سیال سره په ۱۰۰ میلیونه ډالره باندي لوبه ترسره کړي.

د نورمحمدوف د لوبو ترتیب کوونکي علي عبدل عزیز ویلي، چي سعودي عربستان د روسي لوبغاړي نور محمدوف او امریکايي لوبغاړي فلوید میودر ترمنځ د لوبي جوړونکی دئ او امریکايي لوبغاړي فلوید هم علاقه ښودلې.

د ۳۱ کلن لوبغاړي نورمحمدوف د لوبو ترتیب کوونکي علي عبدل عزیز په خبره، چي د حبیب او فلوید ترمنځ لوبي ته د عربستان په پلازمینه ریاض کي ۱۰۰ میلیونه ډالره ځانګړي سوي، چي که هر چا بریا خپله کړه هغه لوبغاړي ته به ورکول کیږي.

تراوسه د یادي لوبي کره نېټه نده روښانه سوې.

د همدې ترڅنګ هغه دا هم ویلي، چي عربستانیان دا موخه لري، چي نورمحمدوف تر هغه وروسته بلي لوبي ته د مک ګرګور په وړاندي هم د ۱۰۰ میلیونه ډالرو نورو پيسو په بدل کي قانع کړي.

مک ګرګور د ایرلینډ هیواد د آزادي مبارزې تکړه لوبغاړی دئ، چي څو میاشتي مخکي ئې د مسلمان روسي لوبغاړي نورمحمدوف څخه سخته ماته وخوړه او وروسته روسی مسلمان لوبغاړی نورمحمدوف پر ټولنیزو رسنیو ډېر وستایل سو.

نورمحمدوف په یو اف سي سازمان کي د خپل وزن اتل دئ او تراوسه ئې ۲۸ نړیوالي لوبي کړي، چي ټولي ئې ګټلي او تراوسه ئې یوه ماته نده خوړلې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ