جګړې د هلمنديو بزګرانو محصولات ليلام کړه

هلمند کې تر بل هر وخت د جګړې شدت ډېر سوی چې له امله يې بزګرانو ته هم زيان رسېدلی دی.

هلمندي بزګران وايي چې پخوا به يې د څو ساعتونو په جريان کې د هيواد تر ګوټ ګوټ پورې کرنيز محصولات رسوله خو اوس مهال يې ټول حاصلات په کروندو کې خراب سوي او ياهم مجبور سوي چې ليلام يې کړي.

محمدعيسی د لښکرګاه په درېمه حوزه بولان کې ځمکه په بزګرۍ نيولې،دی وايي سږ چې يې څومره خواري کښلې وه ټوله په اوبو لاهو سوه او له کوره يې تاواني کړی دی.

محمدعيسی ياران ته وويل: ښه مو شيان حاصل ته ورسېده هلته جنګ شروع سو،يو وار خو د خپلو کورو څخه بار سولو بيا چي پدې مرميو کي مو روميان و بادرنګ و بينډۍ و بانجڼ راټول کړه هغه بيا اوس څوک نه غواړي يا يې ډېر ارزانه غواړي ،ما تاوان وکی او خپل سر مې لا په جوړ نکی.

دی ددې هرڅه لامل جګړه بولي او وايي ترڅو چې مو په هيواد کې دايمي سوله نه وي راغلې همداسي به کړېږو او په هرڅه کې به تاوان کوو،محمدعيسی د جګړې د ښکېلو غاړو څخه د اوربند غوښتنه وکړه.

د هلمند ولايت د کرنې اوبو لګولو او مالدارۍ رياست مسولين د هلمندي بزګرانو خبري تائيدوي او دوی هم ددې هرڅه پړه پر جګړې اچوي.

د هلمند د کرنې رياست د پلان او برنامو مسول رفيع الله قلم وايي له بده مرغه د هلمند او کابل لويه لاره اوس نا امنه ده،موټران له پاخه سړکه خامې باندې ځي او د سفر په جريان کې د ډول ډول پېښو سره مخ کېږي.

دی وايي نور کلونه به د هلمند ولايت د سبو او تازه مېوو ټولنې د بزګرانو ټول حاصلات له دې ولايته کندهار،زابل ،ارزګان ،غزني او هرات ته انتقالوله ،ضايعات به يې نه ورکوله او ګټه به يې هم ترلاسه کوله.

خو قلم وايي چې يوازې د سې شنبې په ورځ وروسته له ۴۸ ساعتونو په روميانو بار موټرونه غزني ولايت ته رسېدلي وه چې له امله يې د سبو او تازه مېوو د سوداګرو ټولنې سل زره افغانۍ زيان ليدلی.

دده په خبره نور کلونه دا وخت به هره ورځ د سابو او مېوو له شلو تر دېرش موټرونه نورو ولايتونو ته وړل کېدله خو دا چې لويې لاري د پوره خطره ډکې دي او همدارنګه محصولات پر مالوم وخت نه رسېږي نو د سبو او تازه مېوو د سوداګرو ټولنې پرېکړه کړې چې نور به يې نه انتقالوي،چې له امله به يې د بزګرانو ټول محصولات ليلامېږي او يا به هم ورستېږي.

هلمند کې د تېرو څو مياشتو راهيسي د جګړې له کبله په زرګونو کورنۍ له خپلو ځايونو نورو سيمو ته مهاجر سويدي او پدې ګرمه هوا کې د سخت بشري ناورين سره مخ دي.




سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ