جنوبي افریقا د پاکستان، سریلنکا او زیمبابوې د سیالیو لپاره خپل کوربه توب په ډاګه کړ

د جنوبي افریقا کرکټ بورډ د ۲۰۱۸ او ۲۰۱۹ م کلونو کې د پاکستا، سریلنکا او زیمبابوې سره د خپلو کیدونکو سالیو کوربه توب او مهالویش په ډاګه کړ.
د جنوبي افریقا کرکټ بورډ خبر ورکړ، چې د روان ۲۰۱۸ او ۲۰۱۹ م کلونو کې به د پاکستان، سریلنکا او زیمبابوې د کرکټ ملي لوبډلو خلاف ۵ ټیسټ، ۱۳ یو ورځینۍ او ۹ شل اوریزه کرکټ سیالۍ په خپل کور کې ترسره کړي.

د معلوماتو له مخې د سیالیو پیل به د زیمبابوې لوبډلې خلاف د راتلوونکې سیپټمبر میاشتې د ۳۰ مې نېټې څخه وشي، چې پکې به د اکټوبر میاشتې تر ۱۴ مې نیټې پوره ۳ پنځوس اوریزه او ۳ شل اوریزه کرکټ سیالۍ د دواړو لوبدلو ترمنځ ترسره شي.  
د ز یمبابوې وروسته به د ډیسمبر میاشتې د ۲۶ مې نیټې څخه د ۲۰۱۹ م کال د فیبرورۍ د ۶ مې نیټې پورې د جنوبي افریقا او پاکستان د کرکټ ملي لوبډلو ترمنځ ۳ ټیسټ، ۵ پنځوس اوریزه او ۳ شل اوریزه کرکټ سیالۍ ترسره شي.
همدا رنګه د سریلنکا د کرکټ ملي لوبډلې خلاف به د فیبرورۍ میاشتې د ۱۳ مې نیټې څخه د مارچ میاشتې تر ۲۴ مې نیټې پورې به ۲ ټیسټ، ۵ پنځوس اوریزه او ۳ شل اوریزه کرکټ سیالۍ ترسره شي.
 د کرک انفو ویب پاڼې د خبر له مخې د جنوبي افریقا د کرکټ بورډ اجرایوي رییس «تبنګ مورو» ویلي، د خپلې کرکټ ملي لوبډلې لپاره د اوږد سفر او زیاتو سیالیو څخه یې موخه د ۲۰۱۹ م کال د کرکټ نړیوال جام سیالیو ته چمتوالی یاد شوی دی.




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ