افغانستان کرونا

تازه؛ روغتیا وزارت په رسمي ډول جوړ شوی واکسین ازمايي!

د افغانستان د عامي روغتیا وزارت د حکیم الکوزي له لوري جوړ شوی د کرونا واکسین په رسمي ډول پر ناروغانو ازمايي.

د راپورونو له مخي د عامي روغتیا وزارت یو پلاوی به له حکیم الکوزي سره د افغان جاپان روغتون ته ولاړ شي او هلته به د الکوزي له لوري جوړ شوی واکسین د کرونا ویروس پر ناروغانو وکتل شي.

د راپورونو په بنسټ له هغه وروسته به د عامي روغتیا وزارت په رسمي ډول سبا شنبه د یاد جوړ شوي واکسین په اړه معلومات خپاره کړي.

کندهاری طبیب حکیم الکوزی وايي، داسي درمل یې جوړ کړي، چي له کرونا ویروس څخه پرې هر څوک رغیږي.

پر ټولنیزو رسنیو زیاتو کسانو پوسټونو کړي او ویلي دي، چي د حکیم الکوزي درمل ئې کار کړي او ډېر ژر له کرونا ویروس روغ شوي.

خپله حکیم الکوزي په خپلو تازه څرګندونو کي ویلي، چي د درملو د رسمي کېدو په اړه تراوسه دولت کوم رسمي اقدام نه دی کړی.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ