مارچ 8, 2021

بنګلور خپلي هيلي ژوندۍ ساتلي!

Advertisements

ليکنه: مدثر دعوت
د هندوستان پريمرليګ ۴۲مه لوبه د رویال چلنجر بنګلور او کينګز ايليون پنجاب لوبډلو ترمنځ وه.
د لوبي پچه پنجاب وګټله او توپ اچوونه يې انتخاب کړله.
د بنګلور توپوهونکو په پوره ۲۰ اوورونو کي پنجاب ته ۲۰۳منډي لوړ هدف ورکړ.

د بنګلور لپاره پرتيو پټيل ۴۳ او کهولي ۱۳ منډي وکړلې.
که څه هم معین علي په ۴ او اکشډيپ په ۳ منډو وسوځيدل،خو سټونيس او اې بي ډيولرز قوي ملګرتیا جوړه کړه.
د ۳۶۰ درجو توپوهونکي يوځل بيا د لوبغالي په څلور طرفونو کي غټي شپږيزي ووهلې او په ۴۴ توپونو يې ۸۲ منډي وکړلې.

سټونيس هم په ۳۴ توپونو ۴۶ منډي وکړلې.
د پنجاب توپ اچوونکو چي يوځل بيا يې مجیب الرحمن نه وو لوبولی،اشوين،محمدشمي،مورګن،او ويلجن څلور واړو توپ اچوونکو يوه يوه وکيټ ترلاسه کړه.

بنګلور لوبډله وتوانيدله چي د ۴ لوبغاړو په سوځيدو پنجاب ته ۲۰۳منډي هدف ورکړي.
د پنجاب لپاره يوه توپوهونکي هم دومره منډي ونکړلې چي د لوبي زمه واري په غاړه واخلي.
پيلوونکو لوبغاړو راهول ۴۲ او ګيل ۲۳ منډي وکړې.
اګروال ۳۵، ميلر ۲۴ او پوران ۴۶ منډي وکړلې .

پنجاب لوبډله په ۲۰ اوورونو کي د ۷ لوبغاړو په سوځيدو يوازي د ۱۸۵ منډو په جوړولو وتوانيدله.
بنګلور که څه هم سټاين د ځان سره نه وو اخيستی خو اوميش یاداو ۳، سايني ۲، سټونيس اوچاهال يوه يوه وکيټه ترلاسه کړه.
رويال چلنجرز بنګلور لوبه د ۱۷ منډو په توپير وګټله.

اې بي ډيولرز په ۴۴ توپونو د ۸۲ منډو په کولو سره د لوبي د غوره لوبغاړي جايزه وګټله.
بنګلور په ۱۱ لوبو کي ۴ لوبي ګټلي او په لومړي ځل د وروستي مقام څخه لوړ سوه او اووم ځای يې ونيوی.
پنجاب بيا په ۱۱ لوبو کي ۵ لوبي ګټلي او پنځم ځای کي قرار لري.

فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ