سپورټ فوټبال

بارسلونا کلب د بدو پایلو له امله خپل روزونکی لیري کړ

د اسپانیا هیواد د فوټبال او نړۍ وتلي کلب بارسلونا تېره شپه ناوخته د وروستيو ماتو او بدو پایلو له امله د خپلي لوبډلي روزونګی آرنسټو والورده لیري کړ.

د آرنسټو والورده پر ځای یاد کلب د خپلي لوبډلي لپاره بل نوی روزونکی کیکه سټین وټاکه.

کیکه سټین ۶۱ کلن دئ او تر دې مخکی ئې په راسینګ سانتاندر، پولي اخیدو، لوګرونیس، لوګو، لاس پالماس او ریال بیټیس فوټبال لوبډلو روزنه ورده غاړي وه.

کیکه سټین د یادو لوبډلو روزنه په ښه ډول کړې او د لوبډلو د پرمختګ او لوبو ګټلو لپاره خوار ښه تمام سوی.

د معلوماتو له مخي، چي د بارسلونا نوی روزونکی به نن شپه د دوو کلنو لپاره د بارسلونا کلب سره قرار داد امضاء کړي.

خو ځیني نور راپورنه بیا وايي، چي سټين به ممکن د بارسلونا لوبډلي د روزني لپاره د روان ۲۰۲۰م کال تر جون میاشتي پوري قرار داد امضاء کړي.

بارسلونا کلب وروسته له هغه والورده لیري کړ، چي تېره اونۍ کي ئې د اسپانیا سوپر کپ په نیمه پایلوبه کي د اتلاتیک ماډریډ څخه په یوه جالیبه لوبه کي ۳ ګولونه پر ۲ ماته وخوړه.

والورده په ۲۰۱۷م کال کي د بارسلونا لوبډلي ته د بل روزونکي انریکي پر ځای راغلي وو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.