د افغانستان د کرکټ ملي لوبډلې د ایرلینډ خلاف د درې ۲۰ اوریزه سیالیو د لړۍ په دویمه لوبه کې هم بریا خپله کړه او دغه سیریز یې له وړاندې دوه د ۰ مخکې والي سره وګټلو.
افغان کرکټ ملي لوبډلې د لمړۍ سیالۍ وروسته په دویمه سیالۍ کې هم ایرلینډ ته د لوبې په ټاکلو ۲۰ اورونو کې د ۱۶۱ منډو هدف ورکړ.
په سیالۍ کې ځوان چپ لاسي اوپنر یو ځل بیا د لوبډلمشر اضغر ستانکزي په ملګرتیا برید کوونکې لوبه ترسره کړه، چې د ۷ شپږیزو او ۶ څلوریزو پرمټ یې ۸۲ منډې جوړې کړې، خو له بل خوا ورسره لوبډلمشر اضغر ستانکزي د ۳۷ منډو په جوړولو سره د دواړو ترمنځ ملګرتیا ۱۰۸ منډو ته ورسیوله.
د ایرلینډ لخوا د لوبې ځوابي برید کوونکي پیل مخه په لمړي سر کې افغان بالرانو ونیوله او ۹ منډو په جوړلو سره یې ۳ ایرلینډي لوبغاړي وسوځول.
ایرلینډ د لوبې د ټاکلو ۲۰ اورونو وړاندې خپله ټوله لوبډله د لوبې ۱۵ م اور کې د ۷۹ منډو جوړولو وروسته وبایلله او په سیالۍ کې یې د ۸۱ منډو په توپیر سره ماته وخوړه.
د افغان لوبډلې لپاره په دې سیالۍ کې راشد خان څلور او مجیب ځدران ۳ ایرلینډي لوبغاړي وسوځول، خو د ایرلینډ لپاره پیټر چیس په ۳ او باډي رینکین په ۲ ویکټو اخیستو د سیالۍ مځکښ بالران وو.
په روان سیریز کې افغان لوبغاړی حضرت الله ځاځی د ۱۳ شپږیزو او ۱۴ څلوریزو پرمټ د ۱۵۶ منډو جوړلو سره مخکښ توپ وهونکی دی او ورپسې لوبډلمشر اضغر ستانکزی د ۶۸ منډو جوړولو سره دویم ځای لري، خو د ایرلینډ لخوا نه لوبډلمشر ګیري ویلسن په ۵۶ منډو مخکښ توپ وهونکی دی.
د ایرلینډ په کوربه توب د دواړو لوبډلو ترمنځ د درې ۲۰ اوریزه سیالیو د سیریز وروستۍ لوبه به هم سبا د جمعې ورځ د ماښآم په ۷ نیمو بجو سره پیل شي، چې پکې به ایرلینډ د افغان لوبډلې لخوا د کلین سویپ څخه د بچ کیدو په کوښښ کې وي، خو د افغان لوبډلې اوسنی حالت بیا بل ډول ښکاري، ځکه چې لمړۍ دواړه لوبې یې ګټلې دي او په وروستۍ سیالۍ کې به هم هیڅ ډول ډار ونلري.
اروپايي ټولنه: افغانستان کې د طالبانو لخوا د زور حکومت په رسمیت نه پېژنو
اروپايي ټولنه وايي دوی په افغانستان کې د زور له لارې رامنځ ته کېدونکی حکومت په رسمیت نه پېژني. د افغانستان لپاره د اروپايي ټولنې ځانګړي استازي توماس نکلسون په تازه مرکه کې ویلي دوی ... نور ولولئ
