اوکراین او نړیوال غبرګونونه؛فرانسې، المان او امریکا د پوتین پرېکړه غندلې ده

د نړۍ ګڼو هېوادونو د اوکراین پر وړاندې د روسیې پر پرېکړه غبرګونونه ښوودلي دي.

د فرانسې ولسمشر او همدا راز د المان لومړي وزیر ویلي، روسیې د سولې هڅې ناکامې کړې او نوو ناندریو ته یې لار پرانیسته.

دوی ویلي چې د روسیې دا کار غندي.

له دې سره جوخت د امریکا د بهرنیو چارو وزیر انتوني بلینکن په ټوېټ پیغامونو کې ویلي، ژر او پر وخت باید د روسیې د اقدام ځواب وویل شي.

بایډن بیا د ابتدايي غبرګون په توګه تازه بېلې شوې برخې د بندیزونو په لېست کې شاملې کړې او امریکایي وګړو ته یې امر کړی چې له دې سیمو سره هېڅ ډول معاملات او اړیکې و نه لري.

پوتین تازه له اوکراین دوې برخې بېلې کړې، هغه یې مستقل هېوادونه اعلان کړل، خپل ولسمشران یې ورته معرفي کړل، د همکارۍ سند یې لاسلیک کړ او د دوی د ساتنې لپاره یې خپل پوځیان دغه سیمو ته لېږلي دي.

About عاقله اسد 1244 Articles
په کابل کې د یاران خبریاله