هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
خواړه روغه سټه

اوبه څښل کوم وخت روغتیا ته ګټه لري؟

دا خبره نن سبا د خلکو ترمنځ عامه ده چې د ډېرو اوبو څښل د روغتیا له پاره ګڼې فایدې لري. خو دا هم مهمه ده چې کوم وخت اوبه وڅښل شي چې د روغتیا لپاره ګټه یقیني شي.

دلته درسره هغه څو وختونه شریکوو چې د روغیتايي کارکونکو په باور اوبه څښل په کې ستاسو روغتیا ته تر نورو وختونو ډیر ښه دي.
۱. سهار وختي
څیړنې وايي: کله چې سهار له خوبه پورته شوئ؛ مخکې تر دې چې څه خواړه وخورئ؛ دوه ګیلاسه اوبه په نهره وڅښئ.

د څېړنې په باور، سهار وختي د اوبو څښل ستاسو جسم تازه ساتي او د معدې فعالیت هم ورسره ښه کیږي.

۲. له خوړو ۳۰ دقیقې مخکې

د غرمنۍ یا ماښامنۍ تر خوړو لږ تر لږه نیم ساعت وړاندې د اوبو څښلو سره معده یو څه ډکیږي چې له امله يې انسان لږ خواړه خوري؛ چې دا چاره د وزن کمولو تر څنګ روغتیا ته نورې فایدې هم لري.

۳. له لمبا کولو وړاندې

د لمبولو پر وخت د انسان د وینې فشار لوړیږي. خو که تر لمبا وړاندې اوبه وڅښل شي د لمبولو پر وخت د وینې فشار نورمال وي.

نو بل ځل مو پام وي چې تر لمبا وړاندې اوبه وڅښئ او د وینې د فشار د لوړیدو مخه ونیسئ!

۴. د ماښامنیو او غرمنیو خوړو ترمنځ

د غرمې او شپې خوړو ترمنځ چې کابو ۶ یا ۷ ساعته وقفه راځي که په دې وخت کې تاسو په مناسبه اندازه اوبه وڅښئ، نو ورسره ستاسو د وجود اوبه پوره کیږي او معده مو په ښه ډول خپل کار کوي.

څېړنې ټينګار کوي چې دا چاره ستاسو د معدې د ښه ساتلو تر څنګ صحت ته نورې فایدې هم لري.

۵. د ماښامنۍ خوړو مخکې

د شپې ډوډۍ تر خوړلو نیم ساعت مخکې باید اوبه وڅښل شي. دا چاره مو معده ارامه ساتي او خپل کار په ښه ډول سره کوي.

د څېړنو په باور، که چېرته تاسو د ورځې په اوږدو کې اته ګېلاسه اوبه څښلي وي نو دا ډېره ښه خبره ځکه ده چې ستاسو د وجود د اوبو ضرورت پوره شوی دی.

۶. د شپې تر ویده کیدو مخکې

روغتیايي کارکونکي سپارښتنه کوي، که تر ویده کیدو وړاندې یو ګیلاس اوبه وڅښل شي، نو د ګوزڼ (فلج) او د زړه د حملې په مخنیوي کې ډېره مرسته کولی شي.

په نهاره اوبه څښل وزن کموي او پوټکی ځوان ساتي

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */