ليکنه: مدثر دعوت
د انګلستان او نيوزلینډ ترمنځ د ۵ شل اووريزو لوبو لړۍ انګلستان وګټله.
انګلستان د پنځمي شل اووريزي لوبي پچه وګټله او د توپ اچووني پريکړه يې وکړه.
دا چي لوبه د باران له کبله وځنډيدله نو د لوبڅارانو د پريکړي سره سم اوورونه ۱۱ ته راکښته سوه.
نيوزلينډ په ۱۱ اوورونو کي د ۵ لوبغاړو په سوځيدو ۱۴۷ منډي هدف وټاکی.
د نيوزلينډ لپاره مارټين ګوپټيل ۵۰، کولين منرو ۴۶ او سيفرټ ۳۹ مڼډي وکړې.
د انګلستان لپاره سام کرن،ټام کرن،عادل راشيد او ثاقب محمود يوه يوه ويکټه ترلاسه کړه.
د ۱۴۷ منډو هدف په تعقيب د انګلستان لپاره جوني بيړسټو ۴۷، ايون مورګن ۱۷ او او سام کرن ۲۴ منډي وکړې.
نيوزلينډي توپ اچوونکو بولټ،سانټنر او نيشم دوې دوې همدارنګه صودي يوه ويکټه ترلاسه کړه.
د انګلستان توپ اچوونکي وتوانيدله چي د يوولسم اوور په وروستي توپ ۱۴۶ منډي وکړي او لوبه سوپر اوور ته ولاړه.
په سوپر اوور کي انګلستان ۱۸ منډي هدف وټاکی خو په مقابل کي يې نيوزلینډ يوازي ۸ منډي وکړې.
دا د ۵ شل اووريزو لوبو د لړۍ وروستۍ لوبه وه چي انګلستان وګټله او د لوبي د غوره لوبغاړي جايزه جوني بيرسټو ته ورکول سوه.
د شل اووريزو لوبو لړۍ هم انګلستان ۳–۲ وګټله خو د سيريز غوره لوبغاړی نيوزلينډی الراونډر ميچل سنټنر ونومول سو.
انګلستان د نيوزلينډ په سفر کي ۲ ټيسټ لوبي هم لري چي چي د رواني نومبر مياشتي په ۲۱مه نيټه پيليږي.