اپریل 21, 2021

اندونیزیا: د سیلابونو له امله د مړه شویو شمېر ۷۱ ته لوړ شوی

په اندونیزیا کې د سیلابونو او ځمک‌ښویېدنې له امله د مړه شویو کسانو شمېر ۷۱ ته لوړ شوی دی.

د راپورونو له مخې د اندونیزیا او شرقي تیمور په ډېرو برخو کې د سختو ورښتونو له امله سیلابونه راوتلي چې د ځاني زیانونو ترڅنګ یې ګڼ مالي تاوانونه هم اړولي دي.

د ورښتونو ډېرېدو په ځينو برخو کې د اوبو ذخیرې او بندونه هم مات کړي دي.

راپورونه وایي چې د مړه شویو کسانو شمېر ۷۱ ته لوړ شوی دی او ویل کېږي چې ګڼ کسان تري تم هم دي.

بلخوا مرستندویه ډلې د ورکو شوو کسانو په لټه کې دي او ددې احتمال شته چې د تلفاتو شمېر تر دې هم لوړ شي.

د یادونې ده چې نن بنګله دېش کې د یوې مسافر وړونکې کښتۍ ډوبېدو پېښه کې پنځه تنه مړه شوي دي.

د رویټرز اژانس د راپور له مخې دا کښتۍ چې ۵۰ سپرلۍ یې لرله تېره ورځ د دغه هېواد د پلازمېنې ډاکه ښار په سوېل کې د شیتالاکسیا په سیند کې له یوې سوداګریزې بېړۍ سره تر ټکر وروسته ډوبه شوې ده.

د سیمې پولیسو رسنیو ته ویلي چې په دغه پېښه کې د دغې کښتۍ پنځه تنه سپاره مړه شوي او یو شمېر نور یې تري تم دي.

چارواکي وایي چې د یادې کښتۍ یو شمېر مسافرو په لامبو وهلو سره خپل ځانونه ساحل ته رسولي او ژغورل شوي دي.

د حافظې ارزښت

لیکوال: عایشه حیدري ، کابل - برخه : روانې سلامتي

کېدای شي تاسو په ژوند کې د حافظې په ارزښت پوه شئ خو موږ غواړو په دې اړه تاسو ته لږه توضیح درکړو، ځکه چې که تاسو د حافظې د ارزښت په اړه پوه شئ ... نور ولولئ