افغان ۱۹ کلنې لوبډلې په نیوزیلینډ کې څلورمه بریا خپله کړه

لیکنه: احسان الله ساپي
د افغانستان د ۱۹ کلنو د کرکټ ملي لوبډلې د ۲۰۱۸ م کال د کرکټ نړیوال جام سیالیو ته د تیاریو په موخه په نیوزیلینډ کې تمریناتي کیمپ پیل کړی دی، چې په څلورو مسلسل سیالیو کې یې د نیوزیلینډ ځایي کلب سنټرال ډېسټرېکټ اېلېون په نامه لوبډلې ته ماتې ورکړې دي.
د کرکټ ۱۹ کلنو نړیوال جام سیالۍ د جنورۍ میاشتې په ۱۳ مه نیټه ۸ ورځې وروسته په نیوزیلینډ کې پیلیږي، چې پکې ۱۶ لوبډلې ګډون لري.
د ۲۰۱۸ م کال د کرکټ نړیوال جام په دې سیالیو کې افغان لوبډله په D ګروپ کې د پاکستان، سریلانکا او ایرلینډ سره یو ځای قرار لري.
د افغانستان د کرکټ بورډ د معلوماتو له مخې، د نړیوال جام په دغه سیالیو کې یې د پوره چمتوالي سره د ګډون په موخه یې افغان لوبډلې ته په نیوزیلینډ کې تمریناتي کیمپ پیل کړی دی، چې دغه لړۍ یې په بریا سره روانه ده.
د ۱۹ کلنو ځوانانو د کرکټ نړیوال جام په راتلوونکو سیالیو کې به افغان لوبډله په لمړۍ لوبه کې د پاکستان، دویمه کې د سریلانکا او د ګروپ په دریمه سیالۍ کې به د ایرلینډ لوبډلې سره مخامخ شي.
 

Be the first to comment

Leave a Reply

Your email address will not be published.




د ژوند د تحول لټون!

by حنیفه مومند ، کابل in بریا او پرمختګ

سهار وختي وو. د لمونځ نه پس مې د خپل کور په حويلۍ دوره وهله. ذهن مې نارامه وو، له ځان سره مې وويل، دا نو څه ژوند دى هره ورځ په يو کار پسې ... نور ولولئ