سپورټ

افغان ۱۹ کلنه لوبډله نن غرمه د کاناډا سره لوبه لري!

د ۱۹ کلنو ترمنځ د کرکیټ په نړیوال جام کي د افغانستان ۱۹ کلن ټیم خپله درېیمه او د ګروپ وروستۍ لوبه د کاناډا ۱۹ کلني په وړاندي نن غارمه ترسره کوي.

د افغانستان کرکیټ بورډ وایي، چي دا لوبه نن غارمه ۱۲:۳۰ بجې د سویلي افریقا په پوچیسټروم ښار کي پیلیږي.

د کرکیټ بورډ په خبره، چي افغان لوبډله د نورو لو په څېر ننۍ لوبي ته هم چمتوالی نیولی.

په نړیوال جام کي افغان کرکیټ لوبډلي تر دې مخکي خپله لومړۍ او دوهمه لوبه دواړه ګټلي.

په لومړۍ لوبه کي ئې کوربه سویلي افریقا ته او په دوهمه لوبه کي ئې بیا متحده عربي آماراتو ته ماته ورکړه.

په یادد دوو بریاوو سره افغان ټیم دوهم پړاو ته لاره پیداکړی.

د ۱۹ کلنو ترمنځ د کرکیټ نړیوال جام، چي پکښي ۱۶ هیوادونو ګډون کړی د تیري جمعې په ورځ پیل سو او د فیبروري میاشتي تر ۹مي نېټې پوري دوام کوي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ