فبروري 28, 2021

افغان ښځینه فوټسال لوبډلي په ۵ لوبو کي ۳۴ ګولونه وخوړل!

د مرکزي آسیايي هیوادونو ترمنځ د ۱۹ کلنو لوبډلو د فوټسال سیالۍ د تاجکستان په کوربتوب ترسره سوې، چي افغان ۱۹ کلني فوټسال لوبډلي په کښي په ۵ لوبو کي ۳۴ ګولونه وخوړل او یوازي ئې ۴ ګولوهني د مقابلو لوبډلو په وړاندي ترسره کړې.
افغان ۱۹ کلني فوټسال لوبډلي د مرکزي آسیا هیوادونو ترمنځ په سیالیو کي ۵ لوبي ترسره کړې، چي له ډلي ئې ۴ وبایللې او یوازي ئې یوه لوبه مساوي کړه.

د ورکړل سوو معلوماتو له مخي، چي د افغانستان یادي لوبډلي خپله لومړۍ لوبه قرغزستان ته ۳ ګولونه پر ۰، دوهمه لوبه ایران ته ۱۶ ګولونه پر ۱، درېیمه لوبه ۳ ګولونه پر ۰ ازبکستان ته او خپله پنځمه لوبه ئې بیا ترکمنستان ته ۹ ګولونه پر ۰ وبایلله.
د افغانستان ځواني فوټسال لوبډلي یوازي په خپله څلورمه لوبه کي د کوربه تاجکستان سره لوبه ۳ ګولونه پر ۳ ګولونو مساوي پای ته ورسوله.

په دې سره افغان ۱۹ کلني ښځينه فوټسال لوبډلي په خپلو ترسره کړو ۵ لوبو کي ۳۴ ګولونه وخوړل او یوازي ئې ۴ ګولونه ولګول، چي په دې سره دا سیالۍ هم پای ته ورسېدې.
د مرکزي آسیا د ۱۹ کلنو ښځینه فوټسال لوبډلو ترمنځ دا لیګ د تیري جمعې په ورځ پيل سوی وو او پرون د چهارشنبې په ورځ پای ته ورسېد.
په دې سیالیو کي افغانستان، ایران، ازبکستان، ترکمنتسان، تاجکستان او قرغزستان ۱۹ کلنو فوټسال لوبډلو ګډون کړی.
د یادو سیالیو لومړی مقام او اتلولي ایران خپله کړه، د دې هیواد ۱۹ کلني ښځینه لوبډلي خپل ۵ واړه لوبي ټولي وګټلې.

تر ایران وروسته دوهم مقام ازبکستان، درېیم مقام ترکمنستان، څلورم مقام قرغزستان، پنځم مقام تاجکستان، خو شپږم او وروستی مقام بیا افغانستان خپل کړ.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د افغانستان او زیمبابې لوبه؛ منیر کاکړ پکې ۱۲۵ ناسوځېدلې منډې وکړې

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د افغانستان او زیمبابې ترمنځ درې ورځنۍ تمریناتې لوبه ترسره شوه، چې یاده لوبه پرون شنبه بې پایلې پای ته ورسېده او افغان لوبغاړي منیر کاکړ پکې د لسو څلوریزو او ... نور ولولئ