اپریل 14, 2021

افغان پيلوټې، د جنوبي آسیا په کچه ریکارډ جوړ کړ

Advertisements

افغانستان کې یوې ۲۲ کلنې افغانې پيلوټې د لومړي ځل لپاره بوینګ الوتکې ته الوتنه ورکړه.

د افغانستان “کام ایر” هوايي شرکت ویلي چې د لومړي ځل لپاره یوې ۲۲ کلنې افغانې پیلوټې، محدثه میرزايي د دغه هوايي شرکت ۷۳۷ ډوله بوینګ الوتکې ته له کابل څخه هرات ته الوتنه ورکړه.

کام ایر شرکت زیاته کړې، د سویلي آسیا هیوادونو په تاریخ کې لومړی ځل دی چې یوه ښځینه پیلوټه بوینګ الوتکې ته الوتنه ورکوي.

د یادونې ده چې د طالبانو د رژیم وروسته نیلوفر رحماني لومړنۍ افغانه پیلوټه وه چې څه موده وړاندې یې په امریکا کې پناه واخیسته.

د نیلوفر رحماني امریکا ته د ډېری افغانانو جدي غبرګونونه راوپارول خو د د نیلوفر رحماني وکیلې کیمبرلي موتلي ویلي وه چې موکله یې د ترهګرو له لورې گواښل کیده.

هغې ادعا کړې وه چې د نیلوفر کورنۍ د مرگونو گواښونو په نتیجه کې څو ځلې له یوځای نه بل ځای ته کډه کړې وه.

د امریکا د بهرنیو چارو وزارت نیلوفر رحماني په ۲۰۱۵ کال کې د ‌”زړه ورې ښځې“ د نړیوالې جایزې گټونکې اعلان کړه چې دغه جایزه بیا د امریکا د پخواني جمهور رئیس د میرمنې میشل اوباما له لورې هغې ته ورکړل شوه.

په ټولنیزو رسنیو کې ګڼو خلکو د افغان پیلوټې د دې لاسته راوړنې هرکلی کړی.

هغوې وایي افغانستان کې که څه هم ګڼې مېرمنې له بیلا بیلو ستونزو سره لاس او ګریوان دي خو په وینا یې د محدثه میرزایي مبارزه به نور افغانان هم دې ته وهڅوي چې خپلو انجونو ته د زده کړو اجازه ورکړي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




ذهني نقشه؛ که د ازموینو پرمهال ترې استفاده وکړئ، ښې نمرې به ترلاسه کړئ

لیکوال: عایشه حیدري ، کابل - برخه : ځوانان او زده کړې

Advertisements ذهني نقشه یو ډیاګرام دی چې د نظرونو، فعالیتونو، یا نورو کلیدي ټکو یا مفکورو پورې اړوند توکو د څرګندولو ډیاګرام دی چې دا ډیاګرام د نظرونو او افکارو رامنځته کولو، تنظیمولو، او جوړښت ... نور ولولئ