افغان لوبډله د انټر کانټنینټل جام اتلولۍ په موخه اماراتو ته ولاړه

د افغانستان د کرکټ ملي لوبډله د انټر کانټینینټل جام سیالیو په لړ کې د خپلې وروستۍ مهمې سیالۍ د ترسره کیدو په موخه متحده عربي اماراتو ته ولاړه.
د افغانستان د کرکټ بورډ د معلوماتو له مخې، د هېواد د کرکټ ملي لوبډله د متحده عربي اماراتو پر وړاندې د دغه جام په وروستۍ څلور ورځینۍ سیالۍ کې د ګډون په موخه تیره ورځ د اماراتو پر لور وخوځیده.
د کرکټ نړیوالې شورا لخوا د دویمې درجې هېوادونو لپاره د انټر کانټینینټل جام په نامه د کرکټ د څلورو ورځینیو سیالیو دغه لړۍ په هرو دوه کلونو کې ترسره کیږي، چې وروستی دا پړاو یې په ۲۰۱۵ م کال کې پیل شوی او د روان ۲۰۱۷ م کال په وروستۍ ډیسمبر میاشت کې پای ته رسیږي.
د افغانستان د کرکټ ملي لوبډلې په خپلو ترسره کړیو ۶ سیالیو کې د سکاټلینډ پرته ټولو لوبډلو ته ماتې ورکړې دي، خو د سکاټلینډ پر وړاندې سیالۍ د باران له کبله لغوه اعلان شوې وه.
افغان لوبډله د انټر کانټینینټل جام سیالیو په لړۍ کې د ۱۰۱ امتیازونو په ردلودلو سره د جدول په سر کې ځای لري، خو ورپسې ایرلینډ د ۹۱ امتیازونو په درلودلو سره دویم ځای لري.
که چیرې افغانستان د امارتو پر وړاندې په کیدونکې ۴ ورځینۍ سیالۍ کې بریا خپله کړي، نو د دویم ځل لپاره به د دغه جام سیالیو اتلولي په خپل نوم کړي. له دې وړاندې په ۲۰۱۲ م کال کې د نوروز منګل په لوبډلمشرۍ کې د لمړي ځل لپاره د دغه جام اتلولي خپله کړې وه.

واحد نژند: شاګردان مي هم تر هوتک او مبارز تکړه دي

لیکوال: محمد صابر حمیدي ، کندهار - برخه : سپورټ

د افغانستان د ازادي مبارزې نامتو او تکړه لوبغاړي واحد نژند په خپلو تازه څرګندونو کې ویلې، چې شاګردان یې هم تر احمدولي هوتک او بازمحمد مبارز تکړه دي. واحد نژند، چې تازه یې روسي ... نور ولولئ