د کرکټ نړیوالې شورا لخوا د ۲۰۱۷ م کال د ۱۹ کلنو ځوانانو د کرکټ اسیايي جام سیالیو کې د ګډون پر مهال افغان لوبډلې خپلو ټولو سیالانو ته ماتې ورکړې وې، خو په لومړي راونډ کې يې د سریلنکا څخه خپله ماتې خوړلې وه.
د ۲۰۱۸ م کال د کرکټ نړیوال جام سیالیو په مهالویش کې بیا هم افغانستان د پاکستان، سریلنکا او ایرلینډ سره په یو ګروپ کې ځای لري.
افغان ۱۹ کلنې لوبډلې د تیر اسیايي جام سیالیو په څیر یو ځل بیا د پاکستان ۱۹ کلنې د کرکټ ملي لوبډلې ته د نړیوال جام په لومړۍ لوبه کې ماتې ورکړه، خو د سریلنکا خلاف بریا ته چمتوالی نیسي.
دواړه د افغانستان او سریلنکا د کرکټ ۱۹ کلنو ځوانانو ملي لوبډلې نن شپه ۲ بجې په سیالۍ کې سره مخامخ کیږي.
که څه هم افغان لوبډلې د ګروپ سر سختې لوبډلې ته ماتې ورکړې ده، خو د سریلنکا خلاف به لا هم د اسیايي جام د سیالۍ د ماتې ډار ولري.
له بلې خوا د کرکټ ۱۹ کلنو لوبډلې لوبغاړو هېوادوالو ته ډاډ ورکړی دی، چې د نړیوال جام سیالو ته د پوره چمتوالي سره راغلي دي. د دوي په وینا د هیڅ لوبډلې پر وړاندې به د ویرې احساس نه کوي او د خپلو هېواد والو په دعا به د هرې لوبډلې پر وړاندې د بریا هڅه کوي.
د کرکټ ۱۹ کلنو ځوانانو د نړیوال جام سیالیو ۱۲ م پړاو د ۱۶ لوبدلو په ګډون د نیوزیلنیډ په کوربه توب سره پیل شوی دی، چې پکې افغان لوبډله د بل هر ځل په نسبت دا ځل ښه ځلیدونکې او نورو لوبډلو ته د یو ټارګیټ یا هدف په نښه شوي لوبډلې په توګه ګرځیدلې ده، چې له ټولو وړاندې پاکستان لمړی هدف کړې وه.
د افغانستان او سریلانکا د ۱۹ کلنو د ټیمونو د ننۍ لوبې په اړه ستاسو اټکل څه دی؟ په تبصره ( کمینټ ) کې یې ولیکئ.
اروپايي ټولنه: افغانستان کې د طالبانو لخوا د زور حکومت په رسمیت نه پېژنو
اروپايي ټولنه وايي دوی په افغانستان کې د زور له لارې رامنځ ته کېدونکی حکومت په رسمیت نه پېژني. د افغانستان لپاره د اروپايي ټولنې ځانګړي استازي توماس نکلسون په تازه مرکه کې ویلي دوی ... نور ولولئ
