اپریل 12, 2021

د افغان لوبغاړي ګلبدین نایب هم د وېښتانو کوچني کول زده دي!

Advertisements

پر ټولنیزو رسنیو د افغانستان د کرکیټ ملي لوبډلي الراونډر لوبغاړي ګلبدین نایب داسي یو عکس خپور سوی، چي د یوه کوچني هلک د سر وېښتان کوچني کوي.
ویل کیږي، چي یاد کوچنی خپله د ګلبدین نایب زوی دئ او د قرنطین په دې شپو او ورځو کي ئې وېښتان کوچني کوي.

تر دې مخکي هم پر ټولنیزو رسنیو د افغانستان د کرکیټ ملي لوبډلي د بل نوموتي توپ اچونکي مجیب الرحمن یو داسي عکس خپور سو، چي د ابراهیم ځدران ویښته ورته جوړوي.

افغان کرکیټ بورډ پر خپلي رسمي فیسبوک پاڼه څو ورځي مخکي د مجیب الرحمن په ګډون د ګڼو لوبغاړو پيغامونه خپاره کړي، چي په یادو پیغامونو کي لوبغاړو له ټولو هیوادوالو غوښتني، چي په کورنو کي اوسي.
د هغه ترڅنګ ملي لوبغاړو ټولو هیوادوالو ته سپارښتنه کړې، چي خپل لاسونه په میکروب ضد مایع باندي هره ورځ څو څو ځله پریولي.
په افغانستان کي د کرونا ویروس د پراختیا له امله د ګڼ شمېر افغانانو ترڅنګ د کرکیټ افغان لوبغاړي هم قرنطین دي.
هاخوا بیا یو شمېر لوبغاړي په خپلو کورونو کي د قرنطین په مهال په تمرینونو هم بوخت دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي