فبروري 28, 2021

افغان لوبغاړی حسین بخش صفري ډک لاس هیواد ته راستون سو

د افغانستان د جوجیتسو او آزادي مبارزې تکړه لوبغاړی حسین بخش صفري خپل روسي سیال تر ماتي ورکولو وروسته نن سې شنبه هیواد ته راستون سو.
د هغه د ستایني لپاره د حامد کرزي نړیوال هوايي میدان ته په سلګونه مینوال او د اُلمپيک ملي کمېټې پلاوی ورغلی وو او صفري بریا ئې په جم او جوش ونمانځله.

حسین بخش صفري په نړیوال هوايي میدان کي له خبریالانو سره په خبرو کي وویل، چي د لوبي تر ګټلو وروسته مي دا احساس وکړ، چي د هیواد ټولو وګړو دا لوبه وګټله.

هغه وویل(( د لوبي تر ګټلو وروسته مي خوار ښه احساس درلود، هغه وخت چي مي لوبه وګټله دا فکر مي وکړ، چي د افغانستان ټولو وګړو دا لوبه وګټله)).


د افغانستان دا تکړه لوبغاړی تېره شنبه د روسیې هیواد د تکړه لوبغاړي پیتر برګ په وړاندي د روسیې په کوربتوب ولوبېد، چي هغه لوبغاړي ته ئې په خپل کوربتوب سخته ماته ورکړه.

دا لوبه د روسیې مسکو ښار په ادرینالین لوبغالي په قفس دننه ترسره سوه، چي درې پړاونه وه.
افغان لوبغاړي حسین بخش صفري په درې واړه پړاونو کي د روسي لوبغاړي پیتربرګ په وړاندي ولوبېد او درې واړه پړاونه ئې په بریالیتوب ترسره کړه.
وروسته د لوبڅارانو له لوري افغان لوبغاړی د ډېرو نمرو په ګټلو سه ګټونکی اعلان سو.

په درې واړه پړاونو کي حسین بخش صفري خپل روسي سیال ته اجازه ورنکړه، چي د ده په وړاندي دي کوم خطرناکه حرکت وکړي.
حسین بخش صفري تر دې بریا وروسته ولسمشرۍ ماڼۍ هم ستایلی.