د افغانستان د جوجیتسو آو آزادي مبارزې تکړه لوبغاړي حسین بخش صفري پرون شنبه ماخستن د روسي لوبغاړي پیتر برګ په وړاندي د روسیې په کوربتوب ولوبېد، چي هغه لوبغاړي ته ئې په خپل کوربتوب سخته ماته ورکړه.
دا لوبه د روسیې مسکو ښار په ادرینالین لوبغالي په قفس دننه ترسره سوه، چي درې پړاونه وه.
افغان لوبغاړي حسین بخش صفري په درې واړه پړاونو کي د روسي لوبغاړي پیتربرګ په وړاندي ولوبېد او درې واړه پړاونه ئې په بریالیتوب ترسره کړه.
وروسته د لوبڅارانو له لوري افغان لوبغاړی د ډېرو نمرو په ګټلو سه ګټونکی اعلان سو.
په درې واړه پړاونو کي حسین بخش صفري خپل روسي سیال ته اجازه ورنکړه، چي د ده په وړاندي دي کوم خطرناکه حرکت وکړي.
حسین بخش صفري تر دې بریا وروسته ولسمشرۍ ماڼۍ هم ستایلی.
د ولسمشرۍ ماڼۍ څخه په خپره سوې خبرپاڼه کي راغلي، چي د ځوان لوبغاړي حسین بخش صفري بریا د روسي لوبغاړي په وړاندي دي دي ټولو افغانانو ته مبارک وي.
کریس الکساندر: عمران خان دوه مخی او دوکه باز دی
په افغانستان کې د کاناډا پخواني سفیر یو ځل بیا پاکستان د طالبانو په ملاتړ تورن کړی دی. کریس الکساندر ویلي، چې عمران خان هغه دوه مخی او دوکه باز سړی دی چې له کلونو ... نور ولولئ
