سپورټ فوټبال

افغان فوټسال لوبډله د آسیايي سیالیو څخه پاته سوه.

ليکنه: صابرحميدي

د افغانستان د فوټسال ملي لوبډلي آسیایي سیالیو ته د لاري پیداکولو په موخه په ایران کي د مرکزي آسیاسي هیوادونو ترمنځ په لوبو کي ګډون وکړ، چي د خرابو لوبو له امله ئې آسیايي سیالیو ته لاره نکړه پیدا.

د افغانستان فوټبال فدراسیون وايي، چي افغانستان په مرکزي آسیایي سیالیو کي د ازبکستان، تاجکستان او نیپال هیوادونو سره په الف ګروپ کي شتون درلود، چي د ازبکستان او تاجکستان څخه ئې په لومړۍ او دوهمه لوبه کي ماته وخوړه، خو په درېیمه او د ګروپ په وروستۍ لوبه کي ئې بیا پرون د جمعې په ورځ نیپال ته ماته ورکړه.

افغان فوټسال لوبډلي په لومړۍ لوبه کي د ازبکستان څخه ۶ ګولونه پر ۲، په دوهمه لوبه کي ئې بیا د تاجکستان څخه ۵ ګولونه پر ۲ ماته وخوړه، خو په درېیمه لوبه کي ئې بیا نیپال ته ۶ ګولونه پر ۲ ماته ورکړه.

دا سیالۍ د آسیا په څلورو زونونو کي ترسره کیږي، چي له ډلي ئې لاره پيداکوونکي لوبډلي بیا په ۲۰۲۰م کال کي د آسیا اتلولۍ په موخه لوبیږي.

په هغه ټورنمنټ کي بیا ټول ۲۳ هیوادونه ګډون کوي.

له مرکزي زونه یادو سیالیو ته د لومړي ګروپ څخه ازبکستان او تاجکستان، خو د دوهم ګروپ څخه بیا قرغزستان او ترکمنستان لاره پيداکړه.

افغانستان او نیپال د ډېرو ماتو په خوړلو سره ونه توانېد، چي یادو لوبو ووځي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.