فبروري 28, 2021

افغان حکومت: طالبان دې د لیک پر ځای د سولې خبرو ته راوګرځي

افغان حکومت وایي چې طالبان باید د بهرنیو ځواکونو د وتلو لپاره د پرانیستي لیک پر ځای د سولې بین الافغاني خبرو ته راوګرځي.

د ولسمشر پخواني ویاند او د کورنیو چارو وزارت د پالیسۍ معین صدیق صدیقي پر خپل ټویټر د طالبانو لیک ته په اشارې ویلي، هغوی چې امریکایانو ته لیک لېږي باید د تاوتریخوالي کمولو تر څنګ پر خپلو ټولو ژمنو عمل وکړي.

صدیقي زیاته کړې، طالبان دې د افغانستان له ورانولو لاس واخلي او بېرته دې مذاکراتو ته راوګرځي.

صدیق صدیقي داسې مهال دا څرګندونې کوي چې طالبانو امریکایي ولس ته د یو پرانیستي لیک په ترڅ کې ویلي، دا د هر ولس هیله ده چې د خپلو اصولو او ارزښتونو له مخې، د هر ډول ګواښ، یرغل او ویرې پرته ژوند وکړي.

په لیک کې وړاندې راغلي، چې تېر نولس کلن جریان ثابته کړه چې د افغانستان موضوع د زور او ځواک د استعمال، او پوځي ستراتيژیو او جنرالانو د بدلون په وسیله نه حل کېږي.

طالبانو زیاته کړې، دې جګړې نه یوازې افغانان له بحران سره مخ کړي بلکې امریکا ته یې هم ځاني او مالي زیانونه اړولي دي.

طالبانو ادعا کړې ده چې دوی مذاکرات د ټولو اصولو مطابق مخته وړي دي او غوښتنه یې دا ده چې امریکایي او ټول بهرني سرتېري باید له افغانستان څخه ووځي.

طالبانو دغه راز ډاډ څرګند کړی دی چې افغانان په خپل منځ کې دایمي سولې او امنیت ته د بین الافغاني تفاهم له لارې رسېدلی شي.

د یادونې ده چې په دوحه کې د افغان دولت او طالبانو ترمنځ د سولې پیل شوې خبرې له څه مودې راهیسي درېدلې دي او راپورونه وایي چې لږ تر لږه د تماس ډلو تر منځ هم ناستې نه دي ترسره شوې.

۱ تبصره

  1. زه د ښاعلی صدیق صدیقی له نظر سره موافق یم او زه هم د یو افغان په صفت پر طالبانو دا غږ کوم چی راځی له جگڔی تیر شی او د یو دایمی صلحی لپاره کار وکڔی.
    او پاتی شو د امریکایانو وتنه ته راشه له موږ سره صلحه وکڔه ته بیا پریکده چی زه پخپله بهرنی ځواکونه او د امریکایانو په وتلو باندی له تا نه مخکی هڅه ونکڔم.

نظر مو ولیکئ

ستاسو د ایمیل پته نه خپریږي




د افغانستان او زیمبابې لوبه؛ منیر کاکړ پکې ۱۲۵ ناسوځېدلې منډې وکړې

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د افغانستان او زیمبابې ترمنځ درې ورځنۍ تمریناتې لوبه ترسره شوه، چې یاده لوبه پرون شنبه بې پایلې پای ته ورسېده او افغان لوبغاړي منیر کاکړ پکې د لسو څلوریزو او ... نور ولولئ