سپورټ

افغان بوکسر سهیل احمد خپل سخت سیال مات کړ

تېره شپه د سوک وهني افغان لوبغاړي سهیل احمد تانزانیایي تکړه سیال بنسون نایلاویلا ته ماته ورکړه او د یادي لوبي ګټونکی اعلان سو.

د ورکړل سوو معلوماتو له مخي، چي افغان بوکسر سهیل احمد تانزانیایي سیال نایلاویلا ته د لوبي په وروستي پړاو لسم کي ماته ورکړه.

دا لوبه د انګلستان په یارک هال کي ترسره سوه.

د دې لوبي په ګټلو سره افغان بوکسر د دې لوبو نړیوالو سیالیو ته لاره پيداکړه او په دې سره به نور دئ په نړیوالو بوکس سیالیو کي د سختو سیالانو په وړاندي لوبي ترسره کړي.

دې افغان لوبغاړي تر دې مخکي هم څو ورځي مخکي انګلستاني سیال ته ماته ورکړې وه.

په هغه لوبه کي دې لوبغاړي د ډېرو افغان مینوالو پام ځان ته راواړاوه.

د افغان بوکسر سهیل احمد دا ۱۶مه لوبه وه، چي له ډلي ئې ۱۵ ګټلي او یوازي یوه ئې بایللې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.