ليکنه: مدثر دعوت
د افغانستان او ويسټ انډيز ترمنځ د ۳ شل اووريزو لوبو د لړۍ دريمه لوبه تيره شپه ترسره سوه.
د لوبي پچه افغانستان وګټله او توپوهنه يې انتخاب کړه.
افغان لوبډلي په پوره ۲۰ اوورونو کي ۱۵۶ منډي وکړې.
رحمان الله ګوربز ۷۹، اصغر افغان ۲۴، او محمدنبي ۱۵ منډي وکړې.
د ويسټ انډيز لپاره پاول، کاټریل او ويلیامس دوې دوې ويکټي واخيستې همدارنګه پولارد يوه ويکټه ترلاسه کړه.
ويسټ انډيز د ۱۵۷ منډو هدف لپاره لوبه پيل کړه.
هوپ ۵۲،لیویس ۲۴ او هيټماير ۱۱ منډي وکړې.
د افغانستان لپاره نوین الحق ۳،راشد،ګلبدين نائب، محمدنبي،مجیب الرحمن او کريم جنت يوه يوه ويکټه ترلاسه کړه.
ويسټ انډيز په پوره ۲۰ اوورونو کي د ۷ لوبغاړو په سوځيدو ۱۲۷ منډي وکړې.
افغان لوبډلي د ۲۹ منډو په توپیر لوبه وګټله.
د لوبي د غوره لوبغاړي جايزه رحمان الله ګوربز ته ورکول سوه.
افغان لوبډلي د ۳ لوبو د سيريز ۲ لوبي وګټلې او د اتلولۍ جام يې پورته کړ.
کريم جنت د سيريز غوره لوبغاړی سو.